بەلگٸسٸ ساياساتكەر, قوعام قايراتكەرٸ بەكبولات تٸلەۋحان تاعى بٸر مەلٸمدەمە جاسادى, - دەپ حابارلايدى Massaget.kz.
"مەن ىستامبۇلدامىن. بٸرەۋلەر ايتقانداي قاشىپ جٷرگەن جوقپىن. مەن نەگە قاشۋىم كەرەك? 29 جەلتوقساندا پارلامەنتتەن رەسمي تٷردە كەتتٸم. ەل ونى نەگە ۇمىتىپ قالدى, بٸلمەيمٸن", - دەيدٸ ول.
سونىمەن قاتار, بەكبولات تٸلەۋحان ٶزٸنە جالا جاپقاندارعا ٷن قاتتى.
"ازاماتتىق مەملەكەت بولعاندىقتان سوتتا كەزدەسٸپ, وسى مەسەلەلەردٸ تالقىلاۋعا تۋرا كەلەدٸ. سوتقا بەرەمٸن. 100 ميلليون تالاپ ەتەمٸن دەپ ويلاپ وتىرمىن. ونىڭ بەرٸن, بٸر تيىنىن دا قالتاما باسپايمىن. قازاقستان حالقىن قولداۋ قورىنا جٸبەرەمٸن, سوسىن وتانداستارعا جٸبەرگٸم كەلەدٸ. بٸر قازاق بولسا دا, سىرتتان كەلەتٸن قازاقتارعا كٶمەك رەتٸندە جٸبەرەمٸن", - دەيدٸ ساياساتكەر.
ايتا كەتەيٸك, جاقىندا ەلەۋمەتتٸك جەلٸلەردە بەكبولات تٸلەۋحان تٷركييا ازاماتتىعىن الۋعا ٶتٸنٸش بەرگەنٸ تۋرالى حابار تاراعان بولاتىن. باق-تار اقپاراتتى دەرەككٶزگە سٸلتەمە جاساپ جارييالاعان ەدٸ.
تٸلەۋحان بۇل جالعان اقپارات ەكەنٸن ايتىپ, ونى تاراتقانداردى سوتقا بەرەتٸنٸن مەلٸمدەگەن بولاتىن.
