Densaýlyq saqtaý ministrligi meditsinalyq kómektiń sapasyn jaqsartý maqsatynda qazaqstandyqtardan 100 kún boiy usynystar qabyldaidy. Bul týraly vedomstvo basshysy Ajar Ǵiniiat málim etti.
«Memleket basshysynyń «Halyq únine qulaq asatyn memleket» negizgi qaǵidattaryn iske asyrýdyń mańyzdylyǵyn nazarǵa ala otyryp, Densaýlyq saqtaý ministrligi azamattardyń saýaldaryna ýaqtyly jáne tez kóńil bólip, el azamattarynyń ómiri men densaýlyǵyn saqtaý jónindegi áleýmettik saiasattyń basym mindetterin iske asyrý boiynsha búkil kúsh-jigerin jumsaidy.
Soǵan bailanysty, jumysta ashyqtyq pen jariialylyqty ustanyp, bizdiń azamattarymyzdyń múddelerine basymdyq bere otyryp, biýrokratiiasyz, qarapaiym azamattardyń, qoǵam músheleriniń qatysýymen sizdermen ashyq dialog qurý úshin qoldaý kórsetýge shaqyramyz jáne densaýlyq saqtaý júiesin jaqsartý úshin «100 kún - 100 suraq» birlesken jobasynyń bastalǵany týraly habarlaimyz.
Tómende kórsetilgen áleýmettik jelilerdegi akkaýnttar men elektrondyq poshtaǵa meditsinalyq kómektiń sapasyn jaqsartý men densaýlyq saqtaýdyń basqa da aspektileri týraly óz usynystaryńyzdy engizýdi suraimyn», - dep jazady ministr.
Densaýlyq saqtaý ministrligine kelesi bailanys tetikteri arqyly aryz-usynys joldaýǵa bolady: elektrondy poshta - 100dnei100voprosov@mail.kz; resmi sait - https://www.gov.kz/memleket/entities/dsm?lang=ru; áleýmettik jelilerdegi resmi paraqshalar - https://instagram.com/healthcare.gov.kz?utm_medium=copy_link; https://www.facebook.com/MinzdravRK
