Foto ©️ Tengrinews.kz / Turar Qazanǵapov
100-ge jýyq adamnyń atyna nesie rásimdegen alaiaq Qaraǵandyda ustaldy, - dep habarlaidy Tengrinews.kz agenttigi AstanaTV telearnasyna silteme jasap.
Ustalǵan er adam Túrkistan oblysynyń jumyssyz turǵyny bolyp shyqty. Keltirilgen shyǵyn mólsheri belgilenip jatyr. Alaiaqtan zardap shektik degen 100-ge jýyq jábirlenýshi politsiiaǵa júgindi, zardap shekkender odan kóp bolýy múmkin.
Politsiianyń málimetinshe, er adam internetten adamdardyń jeke sáikestendirý nómirlerin alyp, onlain-banking arqyly nesie rásimdep, aqshany óz shotyna aýdaryp otyrǵan. Alaiaqtyq úshin ustalǵan jeti jylǵa deiin bas bostandyǵynan aiyrylýy múmkin.
"Ol túrli jolmen adamdardyń JSN nómirlerin alyp nesie rásimdep otyrǵan. Zardap shekkender búkil Qazaqstan boiynsha bar", - dep túsindirdi Qaraǵandy oblysy politsiia departamentiniń kriminaldyq politsiianyń kiberqylmyspen kúres bóliminiń bastyǵy Mádi Baǵdatuly.
Bas prokýratýranyń málimetinshe, sońǵy bes jylda kiberqylmystardyń sany 10 ese ósti. Qazirdiń ózinde 20 myńnan astam epizod tirkelgen. Kóbinese azamattar tanymal saittar men áleýmettik jelilerde onlain-satyp alý kezinde aldaýdyń qurbany bolady. Qazaqstandyqtardan barlyq jaǵdailar týraly politsiiaǵa habarlaýdy jáne taýarsyz tólem júrgizbeýdi suraidy.
