Taldyqorǵan garnizonynda 100-den asa merzimdi qyzmettegi áskeri qyzmetshi Mi-17 tikushaǵynan ózderiniń alǵashqy parashiýtpen sekirýin oryndady. Bul týraly "Ult aqparat" QM baspasóz qyzmetine silteme jasap.
Olardyń barlyǵy parashiýtpen sekirý, jaýyngerlik daiyndyq baǵdarlamasynyń ainymas bóligi bolyp tabylatyn Desanttyq-shabýyldaýshy áskerde qyzmet atqarýda.
Bir ai kóleminde birinshi desanttyq-shabýyldaýshy batalonynyń merzimdi qyzmettegi áskeri qyzmetshileri arnaiy keshende bastapqy áýe-desanttyq daiyndyqtan ótti. Olar parashiýt júiesiniń qurylymyn, onyń taktikalyq-tehnikalyq sipattamalaryn, negizgi jáne qosymsha parashiýtti salýdyń retin, sondai-aq jerústi sekirý elementterin pysyqtaýdy oryndady.
Áýe-desanttyq daiyndyq boiynsha birinshi desanttyq-shabýyldaýshy batalony komandiriniń orynbasary maior Daniiar Syzdyqov atap ótkendei, sekirý aldynda árbir áskeri qyzmetshiniń moraldy-psihologiialyq jaǵdaiy tekserildi. Sebebi sekirýge ruqsat alý úshin, psihologiialyq daiyndyqtan ótý eń mańyzdy shart bolyp tabylady.
Qatardaǵy merzimdi qyzmetker Jaqsylyq Makkemaden – bul kúni naǵyz áskeri desantshyǵa tán alǵashqy parashiýtpen sekirýin oryndady.
«Bul erekshe sezim, aspanmen astasqandai áserde qalasyń. Tikushaq bortynda qorqynysh qýanyshqa ulasty. Men aspanǵa kóterildim. Boiymdy adrenalin sharpyp, jan-dúnieńdi de alyp ushqandai bolady. Parashiýt ashyldy. Endi mine, men naǵyz desantshy atandym» – dep birden jerge túskennen keiingi sezimderimen bólisti.
Daiyndyq josparyna sáikes Desanttyq-shabýyldaýshy áskerdiń merzimdi qyzmettegi áskeri qyzmetshilerdiń jas tolymdary kem degende eki ret parashiýtten sekirýdi oryndaidy. Birinshisin júzege asyrǵanymen, endigi kezekte desantty daiyndaýdaǵy mańyzdy bóligi bolyp tabylatyn qarýmen sekirýdi oryndaýǵa týra keledi.
