10 jylǵa bas bostandyǵynan aiyrylǵan Atyraý oblysy ákiminiń eks-birinshi orynbasary Nurlan Taýbaev shartty túrde merziminen buryn bostandyqqa shyǵý múmkindiginen aiyryldy, dep habarlaidy ult.kz.
KTK málimetinshe, Astana qalasynyń aýdanaralyq qylmystyq ister jónindegi soty burynǵy sheneýniktiń merziminen buryn bosatý týraly ótinishin qarap, ony qanaǵattandyrýdan bas tartqan.
Sot sheshimimen kelispegen Taýbaev apelliatsiialyq shaǵym túsirgen. Alaida Astana qalasy sotynyń qylmystyq ister jónindegi sot alqasy shaǵymdy qarap, birinshi satydaǵy sot qaýlysyn ózgerissiz qaldyrdy.
Osylaisha, Nurlan Taýbaev jazasyn óteýdi jalǵastyrady. Eks-sheneýniktiń bostandyqqa shyǵýyna shamamen eki jyldai ýaqyt qalǵan.
Taýbaev 2022 jyldyń mamyrynan beri koloniiada jazasyn ótep jatyr. Oǵan deiin eki jylǵa jýyq ýaqyt tergeý izoliatorynda bolǵan.
Eske sala keteiik, 2020 jyly Nurlan Taýbaev pen sol kezdegi Atyraý oblystyq qurylys basqarmasynyń basshysy Timýr Basarov jol qurylysyna qatysty merdiger kompaniia ókilinen 182 mln teńge kóleminde para almaq boldy degen kúdikpen ustalǵan.
2022 jyldyń mamyrynda sot Nurlan Taýbaevty kináli dep tanyp, 10 jylǵa bas bostandyǵynan aiyrǵan.
