10 جىلعا باس بوستاندىعىنان ايىرىلعان اتىراۋ وبلىسى ەكٸمٸنٸڭ ەكس-بٸرٸنشٸ ورىنباسارى نۇرلان تاۋباەۆ شارتتى تٷردە مەرزٸمٸنەن بۇرىن بوستاندىققا شىعۋ مٷمكٸندٸگٸنەن ايىرىلدى, دەپ حابارلايدى ult.kz.
كتك مەلٸمەتٸنشە, استانا قالاسىنىڭ اۋدانارالىق قىلمىستىق ٸستەر جٶنٸندەگٸ سوتى بۇرىنعى شەنەۋنٸكتٸڭ مەرزٸمٸنەن بۇرىن بوساتۋ تۋرالى ٶتٸنٸشٸن قاراپ, ونى قاناعاتتاندىرۋدان باس تارتقان.
سوت شەشٸمٸمەن كەلٸسپەگەن تاۋباەۆ اپەللياتسييالىق شاعىم تٷسٸرگەن. الايدا استانا قالاسى سوتىنىڭ قىلمىستىق ٸستەر جٶنٸندەگٸ سوت القاسى شاعىمدى قاراپ, بٸرٸنشٸ ساتىداعى سوت قاۋلىسىن ٶزگەرٸسسٸز قالدىردى.
وسىلايشا, نۇرلان تاۋباەۆ جازاسىن ٶتەۋدٸ جالعاستىرادى. ەكس-شەنەۋنٸكتٸڭ بوستاندىققا شىعۋىنا شامامەن ەكٸ جىلداي ۋاقىت قالعان.
تاۋباەۆ 2022 جىلدىڭ مامىرىنان بەرٸ كولونييادا جازاسىن ٶتەپ جاتىر. وعان دەيٸن ەكٸ جىلعا جۋىق ۋاقىت تەرگەۋ يزولياتورىندا بولعان.
ەسكە سالا كەتەيٸك, 2020 جىلى نۇرلان تاۋباەۆ پەن سول كەزدەگٸ اتىراۋ وبلىستىق قۇرىلىس باسقارماسىنىڭ باسشىسى تيمۋر باساروۆ جول قۇرىلىسىنا قاتىستى مەردٸگەر كومپانييا ٶكٸلٸنەن 182 ملن تەڭگە كٶلەمٸندە پارا الماق بولدى دەگەن كٷدٸكپەن ۇستالعان.
2022 جىلدىڭ مامىرىندا سوت نۇرلان تاۋباەۆتى كٸنەلٸ دەپ تانىپ, 10 جىلعا باس بوستاندىعىنان ايىرعان.
