Foto: Elorda.info
Búgin Astanada Memleket basshysynyń tapsyrmasymen qurylǵan «Táýelsizdik urpaqtary» granttar konkýrsynyń jeńimpazdary men memlekettik «Daryn» jastar syilyǵynyń laýreattaryn marapattaý rásimi ótti, dep habarlaidy Ult.kz.
Biylǵy «Daryn» syilyǵynyń jeńimpazdary qatarynda túrli baiqaýlar men festivalderdiń laýreattary, sporttyq jarystardyń jeńimpazdary, qoǵam qairatkerleri men belsendiler bar.
Kásibi qazylar alqasy laýreattardy «Ádebiet», «Ǵylym», «Dizain jáne beineleý óneri», «Jýrnalistika», «Klassikalyq mýzyka», «Kreativti bastamalar», «Sport», «Teatr jáne kino», «Estrada» jáne «Halyq shyǵarmashylyǵy» nominatsiialary boiynsha tańdady.
Marapattaý kezinde QR Mádeniet jáne aqparat ministri Aida Balaeva elde ortaq printsipter men maqsattardy ustanatyn progressivti ári daryndy býynnyń ósip kele jatqanyn atap ótti.
«Sizder – halyqtyń úmiti men tiregisizder. El Prezidenti jastar úshin úsh basty baǵdardy únemi aityp keledi – bul bilimge umtylý, eńbekqorlyq jáne patriotizm. Bul – myqty ári tabysty ulttyń negizi bolatyn úsh tuǵyr. Demek, ulttyń bolashaǵyn sizder aiqyndaisyzdar. Sondyqtan Memleket basshysy sizderge úlken úmit artady. Memleket óz tarapynan jastardy jan-jaqty qoldaýdy jalǵastyrady», – dedi ministr.
Memlekettik "Daryn" jastar syilyǵynyń 20 jeńimpazyna "Daryn" memlekettik jastar syilyǵynyń laýreaty" ataǵy berilip, estelik statýetkalar men aqshalai syilyqtar tabystaldy.
Jemisti ǵylymi, shyǵarmashylyq, qoǵamdyq qyzmeti, sondai-aq sporttaǵy joǵary jetistikteri úshin 2024 jylǵy "Daryn" memlekettik jastar syilyǵynyń iegerleri:
Ǵylym nominatsiiasy
Fiodor Malchik – Ál-Farabi atyndaǵy Qazaq Ulttyq ýniversiteti KEAQ-nyń Elektrohimiialyq óndiris tehnologiialary zerthanasynyń meńgerýshisi, dotsenti,
Aisulý Moldabekova – "Ekonomika institýty" RMK-niń "Zertteu LAB" zerthanasynyń meńgerýshisi.
Estrada nominatsiiasy
Muratbek Hairolda – "Erkeǵali Rahmadiev atyndaǵy Memlekettik akademiialyq filarmoniia" MKQM-niń "Estradalyq vokal" bólimi ártisi,
Sadraddin Bolat – qazaqstandyq estrada ánshisi.
Klassikalyq mýzyka nominatsiiasy
Bibarys Álish – "Qazaq ulttyq óner ýniversiteti" MM-niń "Vokaldyq óner" kafedrasynyń magistranty,
Karina Izmailova – "Qazaq ulttyq óner ýniversiteti" MM-niń oqytýshysy.
Halyq shyǵarmashylyǵy nominatsiiasy
Shattyq Ýatqan – Almaty qalasy Mádeniet basqarmasynyń "Alataý" dástúrli óner teatry" KMQK-niń ártisi,
Erjan Jamenkeev – "Qurmanǵazy atyndaǵy Qazaq ulttyq konservatoriiasy" RMM-niń "Dombyra" kafedrasynyń dotsenti.
Dizain jáne beineleý óneri nominatsiiasy
Baqytjan Úsembekov – "Qazaqstannyń qolónershiler odaǵy" ZTB jáne JKB-niń zergeri,
Nurlan Sataev – Jas sýretshiler odaǵynyń tóraǵasy, T.Júrgenov atyndaǵy Qazaq ulttyq óner akademiiasynyń "Beineleý óneri" kafedrasynyń oqytýshysy.
Jýrnalistika nominatsiiasy
Nazerke Jumabai – Respýblikalyq "Egemen Qazaqstan" gazetiniń tilshisi,
Ýálihan Qosanbaev – QAZSPORT telearnasynyń sport komentatory.
Kreativti bastamalar nominatsiiasy
Dýlat Júsipqaliev – "Oral jastary" volonterlyq qozǵalysynyń jetekshisi,
Gúlzira Atabaeva – kásipodaqtar aýmaqtyq birlestigi janyndaǵy "Keleshek" jastar keńesiniń tóraǵasy.
Sport nominatsiiasy
Aqmaral Naýatbek – qazaqstandyq dziýdoshy, Parij paralimpiadasyndaǵy altyn medal alǵan qazaqstandyq sportshy,
David Degtiarov – qazaqstandyq paýerlifter-paralimpiadashy Parij paralimpiadasynda altyn medal alǵan qazaqstandyq sportshy.
Ádebiet nominatsiiasy
Baýyrjan Áliqoja – "Ál-Farabi atyndaǵy Qazaq Ulttyq ýniversiteti" KEAQ-nyń "Jýrnalistika" fakýltetinin doktoranty,
Álihan Jaqsylyq – jazýshy, Qazaqstan jazýshylar odaǵynyń múshesi.
Teatr jáne kino nominatsiiasy
Ádilet Omarov – "Ulttyq kinony qoldaý memlekettik ortalyǵy" KEAQ-nyń kinojobalar óndirisi bóliminiń basshysy,
Áset Esjan – Almaty qalasy Mádeniet basqarmasynyń "Alataý" dástúrli óner teatry» KMQK-niń akterlik quramynyń ártisi.
Memlekettik «Daryn» jastar syilyǵynyń 20 jeńimpazyna «Daryn» memlekettik jastar syilyǵynyń laýreaty» ataǵy berilip, tósbelgi men aqshalai syilyqtar tabystaldy.
