Sport federatsiialaryna qosymsha 10 myńnan astam sektsiia ashýǵa múmkindik beriledi. Bul týraly QR Mádeniet jáne sport ministri Aqtoty Raiymqulova málim etti, dep habarlaidy "Ult aqparat".
«Qazaqstan Prezidentiniń Joldaýyn iske asyrý aiasynda QR Úkimetiniń qaýlysyna sáikes, ozderiniz biletindei, pedagog qyzmetkerleriniń jalaqysy 2020 jyldan 2023 jylǵa deiin jyl saiyn 25 paiyzǵa ósetin bolady. Bul ulǵaitý qosymsha bilim beretin pedagog qyzmetkerlerine, iaǵni balalar-jasóspirimder sport mektepteri men sporttyq mektep-internattardyń jattyqtyrýshylaryna ári oqytýshylaryna baǵyttalǵan», - dedi ministr Ortalyq kommýnikatsiialar qyzmetindegi onlain baspasóz máslihatynda.
A. Raiymqulovanyń sózine qaraǵanda, jalpy bilim beretin mektepterdiń sport zaldarynda balalarǵa arnalǵan sport sektsiialarynyń jumysyn uiymdastyrý qaralýda. «Qazirgi kezde ministrlikte 101 sport federatsiiasy akkredittelgen, olarǵa sport túrleri boiynsha qosymsha 10 myńnan astam sektsiia ashýǵa múmkindik berilmek. Nátijesinde, 300 myńǵa jýyq bala túrli sektsiiada shuǵyldana alady», - dedi ol.
