8 otandyq taýar óndirýshiden 10 mln meditsinalyq masqa satyp alyndy. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Tapshylyq oryn alǵan jaǵdaida dárihanalardyń bólshek jelilerin interventsiialaý úshin 8 otandyq taýar óndirýshiden 10 mln meditsinalyq masqa satyp alyndy», - dedi ministr IX Azamattyq forým aiasynda úkimettik emes uiymdar ókilderimen kezdesýi barysynda.
Sonymen qatar ol meditsina qyzmetkerleri úshin jeke qorǵanys zattarynyń 3 aiǵa jetetin qory jasaqtalyp qoiǵanyn basa aitty.
«Buǵan qosa, Úkimet gýmanitarlyq kómek aiasynda alynǵan jeke qorǵanys zattarynan 400 myń birrettik qorǵanys kostiýmderi rezervin qurý máselesin pysyqtady», - dedi Aleksei Tsoi.
