Astanadaǵy sot otyrysy kezinde Perizat Qairattyń anasy Ǵaini Alashbaevanyń telefonynda saqtaǵan jazbalary kórsetildi, dep habarlaidy Ult.kz Ulysmedia.kz-ke silteme jasap.
Prokýror Mádina Orazalina Perizat Qairattyń anasy, aiyptalýshy Gani Alashbaevanyń iPhone 13 telefonyn tekserý nátijelerin jariia etti.
– Perizat Qairatpen bolǵan hat almasý qaraldy. Atap aitqanda, 2022 jyldyń 8 qyrkúieginde Qairat aiyptalýshy anasyna erekshe balalarǵa arnalǵan ońaltý ortalyǵynyń qurylysy týraly prezentatsiiany WhatsApp arqyly jibergeni anyqtaldy. Budan bólek, Perizat Qairat anasyna jibergen kóptegen fotosýretteri de hat almasýlarynda bar. Mysaly, is materialdarynyń №70 jáne №71 betterinde 2022 jyldyń 1 jeltoqsanynda jiberilgen, aqsha salynǵan býma beinelengen fotosýretter bar. Aqsha somasy – 10 mln teńge. Sýrette selfi túsirilgen, – dedi Orazalina.
JAZBA
Odan bólek sotta Ǵaini Alashbaevanyń iPhone uialy telefonyndaǵy “Zametki” qosymshasyna saqtalǵan jazbalar kórsetilgen. Jazbada:
37 000 000
5 000 000 – tis emdeý
10 000 000 – týrtsiiaǵa baryp emdelip kelý
3 000 000 – bady alyp ishý
10 000 000 – qydyrý
3 000 000 – fen shýi
10 000 000 – baztsy oqý
2 000 000 – oflain barý qydyrý sol ýaqyttarda
3 000 000 – kiim alý
3 000 000 – bilezik, aq altyn, brilliant, dep jazylǵan.
Aita keteiik, búgin Perizat Qairatqa bailanysty sot otyrysynyń besinshi kúni ótip jatyr. Sot protsesi jabyq rejimge kóshti.
