Astana qalasynyń ákimi Baqyt Sultanov 10-qabattan qulaǵan 7 jasar balany qutqarǵan Astana turǵyny Artem Karevty marapattady. Beibit kúnniń batyry atanǵan jas jigitke 500 myń teńgeniń sertifikaty tabystaldy, dep habarlaidy QazAqparat tilshisi.
«Keshe Sizdiń erligińizdi estip, qatty qýanyp qaldyq. Jap-jas astanalyqtyń ómirin saqtap qaldyńyz. Bizdiń ákimdiktiń atynan, búkil halyqtyń atynan sizge úlken alǵys aitqymyz keledi. Álbette, bizdiń qurmetten joǵary erlik jasadyńyz. Sizge kóp rahmet», - dedi qala ákimi.
Óz kezeginde Artem Karev bul qurmetke erekshe alǵysyn bildirdi.
Eske sala ketsek, keshe Astana turǵyny Artem Karev 10-qabattan qulaǵan 7 jasar balany qutqaryp qalǵan bolatyn. Oqiǵa Saryarqa aýdanynyń Jeńis dańǵylyndaǵy kópqabatty úilerdiń birinde, 24 qyrkúiekte bolǵan.
«Tańǵy 10:16-da Jeńis dańǵylyndaǵy 28-úide jas balanyń 10-qabattan qulaý qaýpi týraly habar kelip tústi. 10:22-de oqiǵa ornyna Astananyń №2 arnaiy mamandandyrylǵan órt sóndirý bólimi jetken jáne olar kelgenshe 9-qabattaǵy turǵyn balany qutqaryp úlgergen», - dep habarlaǵan edi QR IIM TJ komitetiniń resmi ókili Rýslan Imanqulov.
