استانا قالاسىنىڭ ەكٸمٸ باقىت سۇلتانوۆ 10-قاباتتان قۇلاعان 7 جاسار بالانى قۇتقارعان استانا تۇرعىنى ارتەم كارەۆتى ماراپاتتادى. بەيبٸت كٷننٸڭ باتىرى اتانعان جاس جٸگٸتكە 500 مىڭ تەڭگەنٸڭ سەرتيفيكاتى تابىستالدى, دەپ حابارلايدى قازاقپارات تٸلشٸسٸ.
«كەشە سٸزدٸڭ ەرلٸگٸڭٸزدٸ ەستٸپ, قاتتى قۋانىپ قالدىق. جاپ-جاس استانالىقتىڭ ٶمٸرٸن ساقتاپ قالدىڭىز. بٸزدٸڭ ەكٸمدٸكتٸڭ اتىنان, بٷكٸل حالىقتىڭ اتىنان سٸزگە ٷلكەن العىس ايتقىمىز كەلەدٸ. ەلبەتتە, بٸزدٸڭ قۇرمەتتەن جوعارى ەرلٸك جاسادىڭىز. سٸزگە كٶپ راحمەت», - دەدٸ قالا ەكٸمٸ.
ٶز كەزەگٸندە ارتەم كارەۆ بۇل قۇرمەتكە ەرەكشە العىسىن بٸلدٸردٸ.
ەسكە سالا كەتسەك, كەشە استانا تۇرعىنى ارتەم كارەۆ 10-قاباتتان قۇلاعان 7 جاسار بالانى قۇتقارىپ قالعان بولاتىن. وقيعا سارىارقا اۋدانىنىڭ جەڭٸس داڭعىلىنداعى كٶپقاباتتى ٷيلەردٸڭ بٸرٸندە, 24 قىركٷيەكتە بولعان.
«تاڭعى 10:16-دا جەڭٸس داڭعىلىنداعى 28-ٷيدە جاس بالانىڭ 10-قاباتتان قۇلاۋ قاۋپٸ تۋرالى حابار كەلٸپ تٷستٸ. 10:22-دە وقيعا ورنىنا استانانىڭ №2 ارنايى مامانداندىرىلعان ٶرت سٶندٸرۋ بٶلٸمٸ جەتكەن جەنە ولار كەلگەنشە 9-قاباتتاعى تۇرعىن بالانى قۇتقارىپ ٷلگەرگەن», - دەپ حابارلاعان ەدٸ قر ٸٸم تج كوميتەتٸنٸڭ رەسمي ٶكٸلٸ رۋسلان يمانقۇلوۆ.
