AQSh-ta balalardy uzaq ýaqyt boiy qamaýda ustaǵan qylmystyq top áshkerelendi, dep habarlaidy ult.kz.
Alabama shtatynda jeti er adamnan quralǵan qylmystyq top on balany úsh jyl boiy tutqynda ustap, olardy zańsyz áreketterge májbúrlegeni anyqtaldy. Tergeý derekterine sáikes, balalarǵa aýyr qysym kórsetilip, olar qylmystyq maqsatta paidalanylǵan.
Quqyq qorǵaý organdary júrgizgen arnaiy operatsiia barysynda jeti kúdikti ustaldy. Olardyń arasynda balalaryn jertólede azaptaǵan jáne qorlaǵan eki áiel de bar ekeni habarlandy.
Tergeý materialdaryna sáikes, kúdiktilerdiń biri 2 men 15 jas aralyǵyndaǵy balalarǵa esirtki berip, keiin olardy qanaý maqsatynda paidalanǵan. Sondai-aq kei jaǵdailarda jábirlenýshilerge qarsy zańsyz áreketter jasaý úshin myń dollarǵa deiin aqsha tólegen tulǵalar tartylǵany aitylady.
Jergilikti basylymdardyń málimetinshe, oqiǵa orny retinde paidalanylǵan jertóle kúdiktilerdiń biriniń týysyna tiesili nemese onyń úiiniń mańynda ornalasqan bolýy múmkin.
Qazirgi ýaqytta is boiynsha tergeý jalǵasýda. Sot otyrysy 22 maýsymǵa josparlanǵan.
