Foto: Polisia.kz
IIM-de “Avtobýs” respýblikalyq operatsiiasynyń qorytyndysy shyǵaryldy, – dep habarlaidy "Ult aqparat" Polisia.kz portalyna silteme jasap.
"Is-sharanyń maqsaty – jolaýshylar men bagajdy tasymaldaýmen ainalysatyn júrgizýshilerdiń kóliktik tártibin arttyrý, zańsyz jumys isteitin adamdarǵa qatysty baqylaýdy kúsheitý.
Elimizdiń politseileri bes kúnde jol qozǵalysyn qadaǵalaý kezinde qoǵamdyq kólik júrgizýshileri jasaǵan 5470 jol qozǵalysy erejesin buzýshylyqty anyqtady. Onyń ishinde alkogoldik masań kúide kólikti basqarýdyń 10 faktisi tirkeldi.
Mysaly, Petropavlda patrýldik politsiia batalonynyń qyzmetkerleri Volkswagen Transporter kóligin toqtatty. Tekserý kezinde politseiler mikroavtobýs júrgizýshisiniń mas kúide ekenin anyqtady. Muny meditsinalyq kýálandyrý aktisi rastady. Kólik arnaiy avtoturaqqa jiberildi.
Aqmola oblysynda da osyndai jaǵdai boldy. Operatsiia barysynda politsiia qyzmetkerleri Jaqsy – Esil – Býzýlýk avtojolynda Qostanai turǵynynyń basqarýymen Toyota Alphard avtokóligin toqtatty. Is júrgizý barysynda politseiler júrgizýshiniń jolaýshylardy jeke tasymaldaýmen zańsyz ainalysqanyn anyqtady. Sonymen qatar er adam marihýana esirtkisin qoldanyp, salonda bolǵan bes jolaýshynyń ómirine qaýip tóndirdi. Tártip buzýshylarǵa qatysty politsiia qyzmetkerleri tiisti ákimshilik hattamalar jasady" - delingen habarlamada.
Budan bólek, qarsy jolaqqa shyǵýdyń 7 deregi, eńbek jáne demalys rejimin buzýǵa qatysty – 29, mindetti saqtandyrý týraly zańnamany buzýdyń – 351, reis aldyndaǵy tekserýden ótpeýdiń – 123, tehnikalyq baiqaýdan ótpeýdiń – 799, jyldamdyqty arttyrýdyń – 174, telefondy paidalanýdyń – 1357, 1445 – manevr jasaý erejelerin buzý, 174 – lastaýshy zattar shyǵaryndylarynyń normalarynan asyp ketý, 498 – jolaýshylardy, bagajdy jáne júkterdi tasymaldaý qaǵidalaryn buzý, jolaýshylardy zańsyz tasymaldaýdyń 112 faktisi tirkelgen, onyń ishinde 100-i taksi júrgizýshileri bolǵan.
Sondai-aq operatsiia kezinde tártip saqshylary jol qaýipsizdigi talaptaryna sai kelmeitin 23 ruqsat etilmegen avtoturaqty jaýyp, 4 myńǵa jýyq qoǵamdyq kólikti tekserip, 371 zańsyz túrlendirilgen avtobýsty anyqtaǵan. Avtobýs parkteriniń 112 laýazymdy tulǵasy ákimshilik jaýapkershilikke tartylǵan.
Aita keteiik, “Avtobýs” profilaktikalyq is-sharasyn ótkizýge 9 myńnan astam politsiia qyzmetkeri, sondai-aq jergilikti atqarýshy organdardyń ókilderi men jurtshylyq jumyldyryldy.
