فوتو: Polisia.kz
ٸٸم-دە “اۆتوبۋس” رەسپۋبليكالىق وپەراتسيياسىنىڭ قورىتىندىسى شىعارىلدى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
"ٸس-شارانىڭ ماقساتى – جولاۋشىلار مەن باگاجدى تاسىمالداۋمەن اينالىساتىن جٷرگٸزۋشٸلەردٸڭ كٶلٸكتٸك تەرتٸبٸن ارتتىرۋ, زاڭسىز جۇمىس ٸستەيتٸن ادامدارعا قاتىستى باقىلاۋدى كٷشەيتۋ.
ەلٸمٸزدٸڭ پوليتسەيلەرٸ بەس كٷندە جول قوزعالىسىن قاداعالاۋ كەزٸندە قوعامدىق كٶلٸك جٷرگٸزۋشٸلەرٸ جاساعان 5470 جول قوزعالىسى ەرەجەسٸن بۇزۋشىلىقتى انىقتادى. ونىڭ ٸشٸندە الكوگولدٸك ماساڭ كٷيدە كٶلٸكتٸ باسقارۋدىڭ 10 فاكتٸسٸ تٸركەلدٸ.
مىسالى, پەتروپاۆلدا پاترۋلدٸك پوليتسييا باتالونىنىڭ قىزمەتكەرلەرٸ Volkswagen Transporter كٶلٸگٸن توقتاتتى. تەكسەرۋ كەزٸندە پوليتسەيلەر ميكرواۆتوبۋس جٷرگٸزۋشٸسٸنٸڭ ماس كٷيدە ەكەنٸن انىقتادى. مۇنى مەديتسينالىق كۋەلاندىرۋ اكتٸسٸ راستادى. كٶلٸك ارنايى اۆتوتۇراققا جٸبەرٸلدٸ.
اقمولا وبلىسىندا دا وسىنداي جاعداي بولدى. وپەراتسييا بارىسىندا پوليتسييا قىزمەتكەرلەرٸ جاقسى – ەسٸل – بۋزۋلۋك اۆتوجولىندا قوستاناي تۇرعىنىنىڭ باسقارۋىمەن Toyota Alphard اۆتوكٶلٸگٸن توقتاتتى. ٸس جٷرگٸزۋ بارىسىندا پوليتسەيلەر جٷرگٸزۋشٸنٸڭ جولاۋشىلاردى جەكە تاسىمالداۋمەن زاڭسىز اينالىسقانىن انىقتادى. سونىمەن قاتار ەر ادام ماريحۋانا ەسٸرتكٸسٸن قولدانىپ, سالوندا بولعان بەس جولاۋشىنىڭ ٶمٸرٸنە قاۋٸپ تٶندٸردٸ. تەرتٸپ بۇزۋشىلارعا قاتىستى پوليتسييا قىزمەتكەرلەرٸ تيٸستٸ ەكٸمشٸلٸك حاتتامالار جاسادى" - دەلٸنگەن حابارلامادا.
بۇدان بٶلەك, قارسى جولاققا شىعۋدىڭ 7 دەرەگٸ, ەڭبەك جەنە دەمالىس رەجيمٸن بۇزۋعا قاتىستى – 29, مٸندەتتٸ ساقتاندىرۋ تۋرالى زاڭنامانى بۇزۋدىڭ – 351, رەيس الدىنداعى تەكسەرۋدەن ٶتپەۋدٸڭ – 123, تەحنيكالىق بايقاۋدان ٶتپەۋدٸڭ – 799, جىلدامدىقتى ارتتىرۋدىڭ – 174, تەلەفوندى پايدالانۋدىڭ – 1357, 1445 – مانەۆر جاساۋ ەرەجەلەرٸن بۇزۋ, 174 – لاستاۋشى زاتتار شىعارىندىلارىنىڭ نورمالارىنان اسىپ كەتۋ, 498 – جولاۋشىلاردى, باگاجدى جەنە جٷكتەردٸ تاسىمالداۋ قاعيدالارىن بۇزۋ, جولاۋشىلاردى زاڭسىز تاسىمالداۋدىڭ 112 فاكتٸسٸ تٸركەلگەن, ونىڭ ٸشٸندە 100-ٸ تاكسي جٷرگٸزۋشٸلەرٸ بولعان.
سونداي-اق وپەراتسييا كەزٸندە تەرتٸپ ساقشىلارى جول قاۋٸپسٸزدٸگٸ تالاپتارىنا ساي كەلمەيتٸن 23 رۇقسات ەتٸلمەگەن اۆتوتۇراقتى جاۋىپ, 4 مىڭعا جۋىق قوعامدىق كٶلٸكتٸ تەكسەرٸپ, 371 زاڭسىز تٷرلەندٸرٸلگەن اۆتوبۋستى انىقتاعان. اۆتوبۋس پاركتەرٸنٸڭ 112 لاۋازىمدى تۇلعاسى ەكٸمشٸلٸك جاۋاپكەرشٸلٸككە تارتىلعان.
ايتا كەتەيٸك, “اۆتوبۋس” پروفيلاكتيكالىق ٸس-شاراسىن ٶتكٸزۋگە 9 مىڭنان استام پوليتسييا قىزمەتكەرٸ, سونداي-اق جەرگٸلٸكتٸ اتقارۋشى ورگانداردىڭ ٶكٸلدەرٸ مەن جۇرتشىلىق جۇمىلدىرىلدى.
