Ótken jyly qaramaǵyndaǵy qyzmetkeri jemqorlyqqa urynǵany úshin ishki ister organdarynan 51 bastyq qyzmetinen shyǵaryldy. Bul týraly QR IIM Ózindik qaýipsizdik departamentiniń bastyǵy Arman Sadanov aitty, dep habarlaidy QazAqparat.
«Ótken jyly qaramaǵandaǵylardyń jemqorlyq áreketi úshin túrli deńgeidegi 51 bastyq qyzmetinen shyǵarylyp, 106-synyń laýazymynan bosatyldy. Olardyń ishinde departament bastyǵynyń 4 orynbasary, oblystyq basqarmanyń 24 bastyǵy jáne olardyń orynbasary, 39 qalalyq jáne aýdandyq bólimderdiń bastyǵy jáne basqalary bar», - dedi departament basshysy.
Onyń atap ótýinshe, qazirgi ýaqytta bastyqtardyń ózderdi qylmystyq áreketterdi der ýaqytynda anyqtaý jáne olardyń jolyn kesýge múddelik tanytyp, jaýapkershilikterin arttyryp otyr.
«Qaramaǵandaǵylar jemqorlyqqa urynǵany úshin basshylardyń otstavkasy týraly zańnamaǵa sáikes bul sharalar tolyqqandy júzege asyrylyp jatyr», - dedi Arman Sadanov.
