2020 jyldyń 1 shildesine deiin eldiń zeinetaqy júiesin jańǵyrtý boiynsha tásilder men sheshimder ázirlenedi. Bul týraly búgin Úkimet otyrysynda QR Ulttyq ekonomika ministri Rýslan Dálenov aitty, – dep habarlaidy QazAqparat.
«Saýda saiasaty boiynsha baǵdarlama ázirlenedi. Ótkizý naryqtaryna qol jetkizýdi qamtamasyz etý jáne elektrondyq saýdany damytý boiynsha sharalar iske asyrylady. Osy jyldyń sońyna deiin jańa redaktsiiadaǵy «Tehnikalyq retteý týraly» Zań qabyldanady», - dedi ministr.
Onyń atap ótýinshe, áleýmettik saiasat boiynsha áleýmettik saladaǵy zańnamaǵa túgendeý júrgiziledi. Osy jylǵy 1 shildege deiin eldiń zeinetaqy júiesin jańǵyrtý boiynsha tásilder men sheshimder ázirlenedi. Densaýlyq saqtaý salasynda meditsinalyq qyzmetterdiń qoljetimdiligi men sapasyn arttyrý boiynsha sharalar, onyń ishinde Densaýlyq kodeksi qabyldanady. Kodekstiń jobasy ashyq jáne keńinen talqylanady.
«Bilim berý boiynsha pedagogtardy daiarlaý júiesin jetildirý jóninde sharalar qabyldanady. Ǵylymi-óndiristik klasterler qurý jáne adami kapitaldy damytý boiynsha usynystar ázirlenedi», - dedi ol.
Ministr Memleket basshysynyń tapsyrmasyna sáikes, osy jylǵy 15 mamyrǵa deiin Orta merzimdi perspektivaǵa arnalǵan ekonomikalyq damý jospary qabyldanatyndyǵyn atap ótti.
«Jumys toby ázirlegen negizgi sharalar Josparǵa enedi. Árbir ortalyq memlekettik organ jáne jergilikti atqarýshy organ belsendi qatysady. Jospar jobasyn mazmundy pysyqtaý úshin saraptamalyq qaýymdastyqtyń keńinen talqylaýyna shyǵarylady. Jumys organy retinde Ulttyq ekonomika ministrligin aiqyndaý usynylady. Jalpy alǵanda, bul tásil ázirlenip jatqan sharalardy ózara úilestirýge yqpal etetin bolady. Osylaisha, Memleket basshysynyń tapsyrmalaryn is júzinde iske asyrý qamtamasyz etiledi», - dedi Rýslan Dálenov.
