Mańǵystaýǵa keletin búkil jolaýshylar poiyzy toqtaidy. Bul týraly aimaqtyq kommýnikatsiia ortalyǵynda ótken brifingte «Mańǵystaý» temirjol vokzalynyń basshysy Alma Aiymqulova málimdedi, dep habarlaidy "Ult aqparat".
20 naýryzdan bastap Nur-Sultan jáne Almaty qalalarynda karantin engizilýine bailanysty, «Mańǵyshlaq – Nur-Sultan» baǵytyndaǵy poiyzdyń sońǵy beketi bolyp Atbasar belgilense, «Mańǵyshlaq – Almaty» baǵytyndaǵy jolaýshylar poiyzy tek Shý beketine deiin júrdi. Atalǵan baǵyttar 30 naýryz kúni jolaýshylardy tasýdy toqtatty.
Sondai-aq, jergilikti Mańǵystaý – Beineý baǵytyndaǵy poiyz da 30 naýryz kúni sońǵy ret jóneltildi. Aita keteiik, erteńnen bastap Mańǵystaýdan Atyraý, Aqtóbe qalalaryna qatynaityn barlyq poiyz toqtaidy.
Óz kezeginde Alma Aiymqulova tótenshe jaǵdai aiasynda vokzaldyń jumys isteý tártibin, saqtyq sharalaryn aityp ótti. Kelip-ketýshi jolaýshylardyń barlyǵyn epidemiologtar arnaiy quralmen, teplovizormen tekseredi.
«Osy kúnge deiin vokzalda koronavirýs infektsiiasy anyqtalǵan joq. Qyzmetkerlerimiz ben jolaýshylardyń qaýipsizdigi tiisti mamandardyń jiti baqylaýynda», - dedi Alma Aiymqulova.
