ماڭعىستاۋعا كەلەتٸن بٷكٸل جولاۋشىلار پويىزى توقتايدى. بۇل تۋرالى ايماقتىق كوممۋنيكاتسييا ورتالىعىندا ٶتكەن بريفينگتە «ماڭعىستاۋ» تەمٸرجول ۆوكزالىنىڭ باسشىسى الما ايىمقۇلوۆا مەلٸمدەدٸ, دەپ حابارلايدى "ۇلت اقپارات".
20 ناۋرىزدان باستاپ نۇر-سۇلتان جەنە الماتى قالالارىندا كارانتين ەنگٸزٸلۋٸنە بايلانىستى, «ماڭعىشلاق – نۇر-سۇلتان» باعىتىنداعى پويىزدىڭ سوڭعى بەكەتٸ بولىپ اتباسار بەلگٸلەنسە, «ماڭعىشلاق – الماتى» باعىتىنداعى جولاۋشىلار پويىزى تەك شۋ بەكەتٸنە دەيٸن جٷردٸ. اتالعان باعىتتار 30 ناۋرىز كٷنٸ جولاۋشىلاردى تاسۋدى توقتاتتى.
سونداي-اق, جەرگٸلٸكتٸ ماڭعىستاۋ – بەينەۋ باعىتىنداعى پويىز دا 30 ناۋرىز كٷنٸ سوڭعى رەت جٶنەلتٸلدٸ. ايتا كەتەيٸك, ەرتەڭنەن باستاپ ماڭعىستاۋدان اتىراۋ, اقتٶبە قالالارىنا قاتىنايتىن بارلىق پويىز توقتايدى.
ٶز كەزەگٸندە الما ايىمقۇلوۆا تٶتەنشە جاعداي اياسىندا ۆوكزالدىڭ جۇمىس ٸستەۋ تەرتٸبٸن, ساقتىق شارالارىن ايتىپ ٶتتٸ. كەلٸپ-كەتۋشٸ جولاۋشىلاردىڭ بارلىعىن ەپيدەميولوگتار ارنايى قۇرالمەن, تەپلوۆيزورمەن تەكسەرەدٸ.
«وسى كٷنگە دەيٸن ۆوكزالدا كوروناۆيرۋس ينفەكتسيياسى انىقتالعان جوق. قىزمەتكەرلەرٸمٸز بەن جولاۋشىلاردىڭ قاۋٸپسٸزدٸگٸ تيٸستٸ مامانداردىڭ جٸتٸ باقىلاۋىندا», - دەدٸ الما ايىمقۇلوۆا.
