Osy jyldyń 1 naýryzynda Armeniia Respýblikasynan elimizge ákelingen kólikterdi tirkeý merzimi aiaqtalady. Qazaqstan aýmaǵyna 2020 jyldyń 1 aqpanyna deiin ákelingen kólikterdi rásimdeýge bolady, dep habarlaidy "Ult aqparat".
Sondai-aq 2021 jyldyń 3 aqpanynan bastap elordada kólikterdi qaýipsizdik hattamasynan ótkizetin (rýli oń jaqtan sol jaqqa aýystyrylǵan, qaita jabdyqtalǵan avtokólikter) «Ulttyq saraptama jáne sertifikatsiialaý ortalyǵy» AQ Synaq ortalyǵy jumysyn bastady. Synaq ortalyǵyna avtokólik ieleri Alash tasjoly, 1 «A» mekenjaiy boiynsha nemese 8 (717)2 25-14-47 nómirine habarlasyp júgine alady. Jumys ýaqyty: dúisenbi-juma aralyǵynda 9.00-den 19.00-ge deiin, senbi jáne jeksenbi kúnderi 10.00-17.00 aralyǵy.
Avtokólik QR ST 1418-2018 jáne Keden odaǵynyń «Dońǵalaqty kólik quraldarynyń qaýipsizdigi týraly» 08/2011 tehnikalyq reglamentine sáikes kelýi tiis.
