Kaspii teńiziniń qazaqstandyq sektorynda ustalǵan brakonerlerden bekire tuqymdas - 3,8 tonna, usaq tuqymdy 2,5 tonna balyq, sondai-aq 43 itbalyq tárkilendi, dep habarlaidy "Ult aqparat".
Biylǵy 31 naýryzdan bastap Kaspii teńiziniń qazaqstandyq sektorynda 98 quqyq buzýshy ustalǵan. Onyń ishinde 14-i – memlekettik shekara rejimin jáne 71-i aýmaqtyq jáne ishki sý (teńiz) rejimin buzǵandar.
«65 júzý quraly, 42 qozǵaltqysh, 4 kólik quraly, brakonerlik aýlaý aspaptary (236 shaqyrymnan astam aý jáne ilmegi bar arqan, 66 tuzaq, 55,1 myń ilgek jáne basqalar) tárkilendi.
Brakonerlik zańsyz ainalymnan 763 dana (3,8 myń kg) bekire tuqymdas, 4947 dana (2,5 myń kg) usaq tuqymdy balyq, sondai-aq 43 itbalyq alyndy. Brakonerler keltirgen ziian 85,6mln teńgege baǵalanyp otyr», - dedi QR Ulttyq qaýipsizdik komiteti Shekara qyzmetinen.
Brakonerlerden tárkilengen 3824 tiri balyq (onyń ishinde 695 bekire tektes) jáne 43 itbalyq sý aidynyna qaita jiberildi. 1,88 mln teńgege aiyppul salyndy.
«Jalpy, 1 mlrd. teńgedenartyq mólsherdegi ekologiialyq zalalǵa jol berilmedi. Is-sharalar jalǵasýda», - dedi vedomstvodan.
