1 mln-nan astam qazaqstandyqqa azyq-túlik jáne turmystyq jiyntyq úshin tólem beriledi, dep habarlaidy "Ult aqparat" QR Eńbek jáne halyqty áleýmettik qorǵaý ministrligine silteme jasap.
«QR Eńbek jáne halyqty áleýmettik qorǵaý ministrligi shilde aiynda azyq-túlik jáne turmystyq jiyntyqtar úshin qarajat tóleýdi kózdeitin buiryqty ázirlep, qabyldady. Qazaqstandyqtar 20 shildeden bastap aidyń sońyna deiin bank kartasyna tólem ala bastaidy», delingen habarlamada.
Buiryq kúshine engen kezde tólem 5 áleýmettik topqa jatatyn azamattarǵa beriledi. Jergilikti atqarýshy organdar qolda bar derekter negizinde azyq-túlik jáne turmystyq jiyntyq alýǵa tiisti adamdardyń tizimin jasaidy. Sodan keiin shilde aiyna, iaǵni shekteý sharalarynyń qoldanylý kezeńinde alýshylarǵa somasy 2 AEK mólsherinde tólem jiberiledi.
5 áleýmettik top:
– ataýly áleýmettik kómek alýshylar qatarynan 6 jastan 18 jasqa deiingi balalar;
– meditsinalyq-áleýmettik mekemelerde turaqty turatyn múgedekterdi qospaǵanda, 16 jasqa deiingi múgedek balalar;
– meditsinalyq-áleýmettik mekemelerde turaqty turatyn múgedekterdi qospaǵanda, barlyq jastaǵy I, II, III toptaǵy múgedekter;
– múgedek bala tárbielep otyrǵan adamdar;
– jumyspen qamtý máseleleri jónindegi jergilikti organda tirkelgen jumyssyz azamattar jatady.
Buǵan deiin habarlanǵandai, koronavirýs infektsiiasyn juqtyrý qaýpin azaitý maqsatynda adamdardyń tikelei bailanysyn boldyrmaý úshin azyq-túlik jáne turmystyq jiyntyqty 2 AEK-ten kem bolmaityn mólsherde alýshylardyń bank kartasyna aýdarylǵan tólemge aýystyryldy.
Naýryz aiynan mamyr aiyna deiin bul tólemder jalpy somasy 13,5 mlrd teńgege 1 mln adamǵa eseptelgen.
Esterińizge sala keteiik, 14 shildede QR Premer-ministri Asqar Mamin Úkimet otyrysynda QR Eńbek jáne halyqty áleýmettik qorǵaý ministrligine qazaqstandyqtarǵa azyq-túlik jáne turmystyq jiyntyqtar úshin aqshalai qarajat tóleýdi bastaýdy tapsyrǵan bolatyn.
Buǵan deiin QR Prezidenti Qasym-Jomart Toqaev koronovirýs infektsiiasynyń taralýyna jol bermeý sharalaryn kúsheitýdi tapsyrdy. Tabyssyz qalǵan qazaqstandyqtardy qoldaý úshin járdemaqylar, birjolǵy tólemder tólendi, onyń ishinde azyq-túlik jáne turmystyq jiyntyqtar berildi.
