Qazaqstanda oqýshylar 1 qyrkúiekten bastap birinshi toqsandy qashyqtan oqityn boldy, dep habarlaidy QazAqparat.
Úkimet otyrysynda sóz sóilegen Bilim jáne ǵylym ministri Ashat Aimaǵambetov basty basymdyq – balalar men muǵalimderdiń ómiri men densaýlyǵy ekenin jetkizdi.
«Osyǵan qarai kelesi sheshimderdi usynamyn: birinshiden, shalǵaida ornalasqan shaǵyn jinaqty mektepterdi qospaǵanda 1 qyrkúiekten bastap elimizdiń barlyq mektebindegi 1-11 synyp oqýshylary úshin oqý jylynyń alǵashqy toqsanyn qashyqtan oqytý formatynda ótkizý», - dedi ol.
Óz kezeginde Úkimet basshysy Asqar Mamin Densaýlyq saqtaý men Bilim jáne ǵylym, Tsifrlandyrý ministrlikteri boiynsha 1 qyrkúiekten bastap orta mektepterde birinshi toqsandy qashyqtan oqytý formatynda ótkizýge daiyn bolýyn qamtamasyz etýdi tapsyrdy.
«Qajet bolǵan jaǵdaida bastaýysh synyp oqýshylary ata-analarynyń jazbasha ótinishteri boiynsha sanitarlyq-epidemiologiialyq talaptardy qatań saqtai otyryp, kezekshi synyptardyń qyzmetin qamtamasyz etýdi tapsyramyn», - dedi ol.
