QR Densaýlyq saqtaý ministrligi jańa oqý jylynda balalardy mektepte oqytý máselesine pikir bildirdi, dep habarlaidy "Ult aqparat".
«Shynynda da, bul - óte jii qoiylatyn suraq. Toqsannan toqsanǵa deiin ár joly balalardy oflain formatta oqytýǵa jeńildetemiz dep kútken edik. Biraq, ókinishke orai, epidemiologiialyq jaǵdai oǵan múmkindik bermedi. Qazir bizde óte kúshti qarý bar, ol – vaktsina. Sondyqtan jańa oqý jylyna deiin ujymdyq immýnitetti qamtamasyz ete alsaq nemese halyqtyń kóp bóligin vaktsinalai alsaq, bul balalardy qorǵaýǵa múmkindik beredi.
Ókinishke orai, qazirgi ýaqytta balalar vaktsina salynbaidy jáne olardyń otbasy ishinde, top arasynda aýrý juqtyrmaýy óte mańyzdy. Sondyqtan barshańyzdy vaktsina alýǵa taǵy da shaqyramyn. Bul bizge balalardy 1 qyrkúiekte mektepke, stýdentterdi joǵary oqý oryndaryna, kolledjderge jáne t.b. barýyna múmkindik týǵyzady», - dedi QR DSM Sanitarlyq-epidemiologiialyq baqylaý komitetiniń tóraǵasy Aijan Esmaǵambetova Ortalyq kommýnikatsiialar qyzmetinde ótken brifingide.
