Memleket basshysy "Ádiletti memleket. Birtutas ult. Berekeli qoǵam" Joldaýynda Úkimetke biylǵy 1 qyrkúiekke deiin elimizge ákelingen sheteldik kólikterdi zańdastyrýdy tapsyrdy, - dep habarlaidy Polisia.kz.
Prezident Qasym-Jomart Toqaev alǵashqy tirkeý jáne ýtilizatsiiaǵa jiberý úshin tólem quny 200-250 myń teńgeden aspaýy tiis ekenin atap ótti.
Qazir ýákiletti memlekettik organdar men uiymdar zańnamalyq aktilerge ákelingen sheteldik avtokólikterdi azamattar úshin qolaily jaǵdaida zańdastyrýǵa múmkindik beretin túzetýler engizip jatyr, sondai-aq, ony júrgizý tetikteri ázirlenip jatyr.
2022 jylǵy 1 qyrkúiekke deiin Qazaqstanǵa ákelingen barlyq kólik boiynsha Ishki ister, Memlekettik kirister jáne Ulttyq qaýipsizdik organdary (Shekara qyzmeti) arasynda aqparat almasý máseleleri pysyqtalǵan. Mundai kólikter týraly málimetterdi IIM belgilengen merzimnen keiin ákelingen avtokólikterdi zańdastyrýdy boldyrmaý úshin jinaqtaidy.
1 qyrkúiekten keiin Qazaqstanǵa ákelingen avtokólikterden basqa kriminaldyq esep boiynsha izdeýde júrgen, zań nemese sot tarapynan shekteýleri bar, buryn tirkelgen eldegi esepten belgilengen tártippen alynbaǵan, basqarý organdary oń jaqta ornalasqan, sondai-aq, tirkeýden nemese tolyq kedendik tekseristen ótpegen, ieleriniń tirkeý jáne quqyq belgileitin qujattary joq kólikter zańdastyrylmaidy.
Sondai-aq, kriminaldyq avtokólikti tirkeýdi boldyrmaý maqsatynda kólik boiynsha aqparat burynǵy tirkelgen elderdiń quqyq qorǵaý jáne keden organdarymen salystyrylady.
"Azamattardy Qazaqstanda kólikti tirkeý jáne paidalaný múmkindigi úshin ony satyp alý kezinde zańnamany saqtaýǵa, olardyń zańdy "tazalyǵyn" mindetti túrde tekserýge shaqyramyz", - delingen vedomstvo habarlamasynda.
