Pavlodar oblysynan shyǵatyn respýblikalyq joldar 1 qazannan bastap aqyly bolady. Bul týraly onlain baspasóz jiynynda «QazAvtoJol» UK» AQ Pavlodar oblysy boiynsha filialynyń direktory Aqylbek Qabyldin málim etti, dep habarlaidy QazAqparat Pavlodarnews.kz- ke silteme jasap.
- 1 qazanda Pavlodar-Nur-Sultan baǵytyndaǵy aqyly júiege engizý josparlanýda. Al, 1 qarashada Pavlodar-Omby, Pavlodar-Semei baǵytyndaǵy jol aqyly bolady. Biraq bul eki baǵytta tek shet el azamattary úshin aqyly bolady, - dedi Aqylbek Qabyldin.
Aqylbek Qabyldin respýblikalyq mańyzǵa ie joldardyń kútimi týraly da aitty. Búginde Pavlodar oblysynda respýblikalyq mańyzy bar avtomobil joldary 1662,8 shaqyrymda quraidy.
- Respýblikalyq joldarda 28 myń sharshy metr aýmaqta shuńqyrlar jamaldy. 15 shaqyrym jolda 2 milliard teńgege kúrdeli jóndeý júrgizilýde. 118 shaqyrym jolda 3,3 milliard teńgege ortasha jóndeý jasalyp jatyr. Sondai-aq biyl joldardy kútip ustaýǵa 1,9 milliard teńge bólindi, - dedi Aqylbek Qabyldin.
Sonymen qatar, filial basshysy Ertis ózenine salynatyn jańa kópir jobasynyń saraptama qorytyndysyn qarasha aiynda shyǵady dep josparlanýda.
