پاۆلودار وبلىسىنان شىعاتىن رەسپۋبليكالىق جولدار 1 قازاننان باستاپ اقىلى بولادى. بۇل تۋرالى ونلاين باسپاسٶز جيىنىندا «قازاۆتوجول» ۇك» اق پاۆلودار وبلىسى بويىنشا فيليالىنىڭ ديرەكتورى اقىلبەك قابىلدين مەلٸم ەتتٸ, دەپ حابارلايدى قازاقپارات Pavlodarnews.kz- كە سٸلتەمە جاساپ.
- 1 قازاندا پاۆلودار-نۇر-سۇلتان باعىتىنداعى اقىلى جٷيەگە ەنگٸزۋ جوسپارلانۋدا. ال, 1 قاراشادا پاۆلودار-ومبى, پاۆلودار-سەمەي باعىتىنداعى جول اقىلى بولادى. بٸراق بۇل ەكٸ باعىتتا تەك شەت ەل ازاماتتارى ٷشٸن اقىلى بولادى, - دەدٸ اقىلبەك قابىلدين.
اقىلبەك قابىلدين رەسپۋبليكالىق ماڭىزعا يە جولداردىڭ كٷتٸمٸ تۋرالى دا ايتتى. بٷگٸندە پاۆلودار وبلىسىندا رەسپۋبليكالىق ماڭىزى بار اۆتوموبيل جولدارى 1662,8 شاقىرىمدا قۇرايدى.
- رەسپۋبليكالىق جولداردا 28 مىڭ شارشى مەتر اۋماقتا شۇڭقىرلار جامالدى. 15 شاقىرىم جولدا 2 ميلليارد تەڭگەگە كٷردەلٸ جٶندەۋ جٷرگٸزٸلۋدە. 118 شاقىرىم جولدا 3,3 ميلليارد تەڭگەگە ورتاشا جٶندەۋ جاسالىپ جاتىر. سونداي-اق بيىل جولداردى كٷتٸپ ۇستاۋعا 1,9 ميلليارد تەڭگە بٶلٸندٸ, - دەدٸ اقىلبەك قابىلدين.
سونىمەن قاتار, فيليال باسشىسى ەرتٸس ٶزەنٸنە سالىناتىن جاڭا كٶپٸر جوباسىنىڭ ساراپتاما قورىتىندىسىن قاراشا ايىندا شىعادى دەپ جوسپارلانۋدا.
