Qazaqstanda keibir jolaýshylar poiyzy kún saiyn júretin boldy, dep habarlaidy "Ult aqparat" «Jolaýshylar tasymaly» AQ baspasóz qyzmetine silteme jasap.
Atap aitqanda, №4/3 «Nur-Sultan - Nurly jol - Almaty-2» poiyzy 1 qarashadan bastap Nurly jol vokzalynan, 2 qarashadan bastap Almatydan kún saiyn jóneltiledi.
Sonymen qatar №68/67 «Nur – Sultan - Nurly jol – Óskemen-1» poiyzy da 1 qarashadan bastap Nur-Sultannan, 2 qarashadan bastap Óskemennen kún saiyn júre bastaidy.
Jolaýshylar poiyzdarynyń qozǵalys kestesi boiynsha barlyq aqparatty «105» nómirine habarlasyp bilýge bolady.
Ulttyq tasymaldaýshy jolaýshylardan biletti onlain, sonyń ishinde resmi bilet.railways.kz saitynan satyp alýyn, sanitarlyq-karantin talaptaryn, áleýmettik qashyqtyqty, vokzal aýmaǵynda jáne poiyz ishinde betperde rejimin qatań saqtaýyn suraidy.
Sondai-aq, saparǵa shyǵar kúni bilet bolmaǵan jaǵdaida «Kútý paraǵy» atty tegin qyzmetti paidalanýǵa bolatynyn eske salady.
