Bilim jáne ǵylym ministri Erlan Saǵadiev 2018 jyldyń 1 qańtarynan ústemaqy alýy tiis ustazdarǵa aqsha qalai tólenip jatqanyn túsindirdi, dep habarlaidy Sputnik Qazaqstan tilshisi.
"Myna jáitti túsindirgim keledi. Muǵalimder jalaqysyn tolyq alýy úshin biz búgin májiliste talqylap, maquldaǵan zańdy (2018-2020 jyldarǵa arnalǵan respýblikalyq biýdjetke túzetýler – avtor eskertp.) qabyldaýymyz kerek. Endi ol senatqa joldanady. Zań kúshine engennen keiin, bizde biýdjettik ózgerister bolady. Respýblikalyq biýdjet muǵalimderdiń jalaqysyna qarastyrylǵan qarjyny jergilikti biýdjetterge aýdara almaidy. Qazir bizde qarjyny respýblikalyq biýdjetten jergilikti biýdjetke aýdarýǵa negiz joq. Degenmen biz prezidenttiń tapsyrmasyn oryndai otyryp, jergilikti atqarýshy organdardan, iaǵni ákimdikterden aqshany óz rezervinen tólei turýdy ótindik", — dedi ministr.
Saǵadiev ol qarajat keiin ákimdikterge qaitarylatynyn atap ótti.
"Ákimdikterdiń kóbisinde qarajat bar jáne olar qańtardan bastap mindettemelerdi oryndaýǵa kiristi. Sebebi olar respýblikalyq biýdjet keiin jumsalǵan qarajatty óteitinin túsinip otyr. Biraq birneshe ákimdikte qiyndyqtar týyndady. 1 qańtardan bastap ústemaqy alýy tiis barlyq muǵalimge aqsha tólenedi", — dep sendirdi E.Saǵadiev.
