Memlekettik kirister komiteti tóraǵasynyń orynbasary Qairat Miiatov 2022 jyldyń 1 qańtarynan bastap kúshine engen biznesti qoldaýǵa baǵyttalǵan jańashyldyqtardy atady, dep habarlaidy QazAqparat.
«Bank shottary boiynsha shyǵys operatsiialaryn toqtata turý jáne qaita bastaý sharasy kúshine endi. Eger salyq boryshtary tolyq tólengen bolsa, bankter jeke kásipker men zańdy tulǵalardyń bank shottary boiynsha shyǵys operatsiialaryn derbes qaita bastaýǵa quqyly», - dedi komitet tóraǵasynyń orynbasary.
Onyń sózine qaraǵanda, 2022 jyldyń 1 qańtarynan bastap «E-Salyq Viѕipeѕѕ» mobildi qosymshasy negizinde jumys isteitin jeke kásipkerler úshin jańa arnaiy salyq rejimi engizilgen.
Bul qosymsha jekelegen rásimderdi júzege asyrýdy jeńildete otyryp, salyq mindettemelerin oryndaýdaǵy problemalardyń bir bóligin sheshýge múmkindik beremek.
«Qosymshanyń fýnktsionaly jeńildetilgen tártippen jeke kásipker retinde tirkeýden ótýge, salyq rejimin tańdaýǵa nemese ózgertýge, chekter berýge, salyq tóleýshiniń kirister tizilimin avtomatty túrde qalyptastyrýǵa, salyqtardy jáne áleýmettik tólemder boiynsha, onyń ishinde qyzmetkerler boiynsha mindettemelerdi esepteýge, tirkeý jáne kirister týraly anyqtamalardy, memlekettik kirister organdary jiberetin habarlamalardy alýǵa múmkindik beredi», - dedi Qairat Miiatov.
Sondai-aq, 1 qańtardan bastap qosymsha qun salyǵyn tóleýshilerdi bazadan shyǵarýdyń ońailatylǵan tártibi jumys istei bastady.
«Buryn qarjy-sharýashylyq qyzmetin júzege asyrmaǵan, biraq qyzmetin toqtatý týraly sheshim qabyldaǵan qosymsha qun salyǵyn tóleýshiler óz ótinishi boiynsha salyqtyq tekserý rásiminen ótken bolsa, búginde joiý rásimi tek kameralyq tekserýge deiin azaitylǵan.
Biznes sýbektilerin qoldaý úshin shaǵyn kólemdi fýrgondardyń kólik salyǵyna qatysty túzetý qabyldandy.
Mundai sanat boiynsha kólik quraldaryna salynatyn salyq júk kóterý kóleimne qarai esepteletdi. Buryn qozǵaltqyshtyń kólemine qarai eseptelgen», -dedi komitet ókili.
Qairat Miiatov qoimalarǵa qatysty salyqtyq retteý máselesi bolǵanyn eske saldy.
«2022 jyldyń 1 qańtaryna deiin menshik quqyǵynda tirkelgen qoimalary bar jeke tulǵalar jyl saiyn tóleitin salyq mólsherin óz betinshe eseptep, Memlekettik kiris organyna jeke salyq deklaratsiiasyn óktizýge mindetti bolǵan. Osy másele boiynsha Salyq kodeksine engizilgen túzetýler jumysty jeńildetti.
1 qańtardan bastap «Azamattarǵa arnalǵan úkimet» salyq organyna osyndai qoimalardyń baǵalaý quny týraly málimetterdi beredi. Komitet múlik salyǵyn osy málimet boiynsha eseptep, páterlerdiń múlik salyǵymen birge habarlama jiberip qana otyrady», - dep túsindirdi Memlekettik kirister komiteti tóraǵasynyń orynbasary.
