Bul týraly Premer-ministr Baqytjan Saǵyntaevtyń Shyǵys Qazaqstan oblysynyń aktivimen kezdesý barysynda Eńbek jáne halyqty áleýmettik qorǵaý ministri Mádina Ábilqasymova málimdedi, dep habarlaidy "Ult aqparat" primeminister.kz saityna silteme jasap.
Ministrdiń aitýynsha, 2019 jylǵy 1 qańtardan bastap eń tómengi jalaqy kóleminiń 42,5 myń teńgege deiin, iaǵni 1,5 esege ósýi — búkil ekonomikaǵa mýltiplikativtik áser etedi. Eń tómengi jalaqynyń ósýi ekonomikanyń barlyq sektorlarynda jalaqysy tómen laýazymdarda jumys isteitin 1,3 mln adamnyń eńbekaqysynyń ósýine jol ashady. Sonymen qatar, Memleket basshysynyń tapsyrmasyna sáikes, 2019 jyldyń 1 qańtarynan bastap biýdjettik uiymdarda jumys isteitin 275 myń azamattyq qyzmetkerdiń jalaqysy ósedi. Olardyń jalaqysy orta eseppen 35%-ǵa ósedi.
«Eń aldymen I-IV sanattaǵy jumysshylar, orta arnaiy bilimi bar, eńbek ótili tómen negizgi, ákimshilik jáne tehnikalyq jumysshylardyń eńbekaqysy ósedi. Máselen, negizgi qyzmetkerlerdiń ishinde bul – tárbieshiler, ádiskerler, zerthanashylar, medbikeler, feldsherler, akýsherler jáne t.b. Ákimshilik, kómekshi, tehnikalyq qyzmetkerler – tehnikter, aýdarmashylar, ádiskerler, is júrgizýshiler, muraǵatshylar, hatshylar, operatorlar jáne t.b. Qazirgi ýaqytta biz Úkimet qaýlysynyń tiisti jobasyn ázirlep, ony ortalyq memlekettik jáne jergilikti atqarýshy organdarǵa bekitýge jiberdik», - dedi Eńbek jáne halyqty áleýmettik qorǵaý ministri.
.jpeg)