1 aqpannan bastap Almaty qalasy tolyǵymen tsifrlyq efirlik telehabarǵa kóshedi, dep habarlaidy qala ákimdigi.
2021 jyldyń 1 aqpanynda Almaty qalasynda «Kóktóbe» telemunarasynda tsifrlyq efirlik telehabar taratý jelisine kóshý boiynsha is-shara ótedi. Óńirde tsifrlyq efirlik telehabar taratý jelisin engizý memlekettik jobasy júzege asyryldy.
Qurylym álemdegi seismoturaqty munara bolyp sanalady. «Kóktóbe» telemunaralardyń álem reitingisinde 14-shi oryndy ielenedi. Onyń qurylysy 9 jylǵa sozylyp, alǵash ret 1984 jyly signal taratqan bolatyn. Qazirgi ýaqytta munara elimizde televiziia signalyn tsifrlyq formatqa aýystyrý protsesine qatysatyn mańyzdy nysandardyń biri. Búkil Qazaqstan boiynsha teleradiohabar taratý jelisin baqylaý jáne monitoringteý ortalyǵy Kóktóbede ornalasqan.
Alǵash ret elimizde tsifrlyq televiziia 2012 jyly 3 shildede Tuńǵysh Prezident Nursultan Nazarbaevtyń qatysýymen ótken «Indýstrializatsiia kúni» sharasy aiasynda iske qosylǵan bolatyn. Sodan beri elimizde radioteleviziialyq stansa salyp, modernizatsiia qarqyndy túrde júrgizilip keledi.
Almaty qalasy men Almaty oblysynda 90 radioteleviziialyq stansa qoldanysqa engizildi. Bul RTS-ter 736 eldi mekendi tsifrlyq telesignalmen qamtamasyz etip otyr, iaǵni qala men oblys turǵyndarynyń 99 paiyzy, shamamen 3,8 mln turǵyn TsETV jelisinde arnalardy tamashalýǵa múmkindigi bar.
Búgingi tańda tsifrlyq efirlik telehabar taratý jelisi barlyq oblys ortalyqtarynda jáne birqatar oblysta qoljetimdi: Mańǵystaý, Jambyl, Túrkistan, Almaty, Pavlodar, Qostanai oblystarynda jáne Shymkent qalasy tolyqtai kóship qoiǵan. Endi 1 aqpanda Almaty qalasy men Soltústik Qazaqstan oblysyn tolyq kóshirý josparlanyp otyr. Búkil Qazaqstan boiynsha analog telehabar taratý jelisin óshirý úshin 827 radioteleviziialyq stansaa turǵyzylyp, modernizatsiialaný kerek. Qazirgi ýaqytta 546 radioteleviziialyq stansa iske qosyldy. Sonyń nátijesinde TsETV-nyń qamtý aýmaǵy el halqynyń 91 paiyzyn qurap otyr. Tsifrlyq efirlik telehabar taratý jelisin engizý jobasy 2022 jyly aiaqtalady dep josparlanǵan. TsETV-ge kóshýdiń merzimderi men kezeńderin QR memlekettik quzyrly organ bekitedi.
1 aqpanda Almaty qalasymen qatar Soltústik Qazaqstan oblysy da tsifrlyq efirlik telehabar taratý jelisine kóshedi. Sonymen qatar 1 jeltoqsanǵa deiin Nur-Sultan qalasy men Qaraǵandy oblystary kezekte tur.
Jobany júzege asyrý 2022 jyly aiaqtalady dep josparlanǵan.
