Sýret: QR Úkimeti
Elimizde 1 424 aýyl mobildi internetke qol jetkize almai otyr. Bul týraly Úkimet otyrysynda Tsifrlyq damý, innovatsiialar jáne aeroǵarysh ónerkásibi ministri Jaslan Mádiev aitty.
«Búgingi tańda internet bizdiń kúndelikti ómirimizde mańyzdy ról atqarady. Memlekettik onlain qyzmetterge, bilimge, meditsinaǵa jáne ekonomika salalaryn tsifrlandyrýǵa qol jetkizýdi qamtamasyz etedi. Halyqaralyq derekter boiynsha Qazaqstanda internetti paidalanatyn halyqtyń úlesi damyǵan elder deńgeiinde. Búgingi kúni búkil álemde internetti tutynýdyń qarqyndy ósýi baiqalady. Qazaqstanda 2020-shy jylǵa qaraǵanda trafiktiń ósýi 61,5 paiyzǵa, al abonentter sany 12,9 paiyzǵa ósti», — dedi ministr.
Onyń atap ótýinshe, Speedtest Ookla-nyń 2024 jylǵy sáýirdegi derekterine sáikes, Qazaqstan 43,62 Mbit/s ortasha internet jyldamdyǵymen 66-orynda tur.
«Qazaqstanda 6 290 aýyl bar, onyń ishinde symdy internet boiynsha optika 2 606 aýylǵa jetkizilgen. Mobildi internet 4 866 aýylda qoljetimdi. Qoldanystaǵy salyqtyq jeńildikter aiasynda 2023 jyly 1 161 aýyl 4G tehnologiiasyna qosyldy. Búgingi tańda 1 424 aýyl mobildi internetke qol jetkize almai otyr. Uialy bailanys operatorlaryn yntalandyrý úshin ministrlik jańa Salyq kodeksine radiojiilik spektrine salyqtyq jeńildikterdi uzartýdy jáne tólem mólsherlemesin ózgertýdi usyndy. Osylaisha bailanys operatorlarynyń litsenziialyq mindettemelerinde 1 076 aýyldy internetpen qamtamasyz etý kózdelgen», — deidi Jaslan Mádiev.
