سۋرەت: قر ٷكٸمەتٸ
ەلٸمٸزدە 1 424 اۋىل موبيلدٸ ينتەرنەتكە قول جەتكٸزە الماي وتىر. بۇل تۋرالى ٷكٸمەت وتىرىسىندا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ جاسلان مەديەۆ ايتتى.
«بٷگٸنگٸ تاڭدا ينتەرنەت بٸزدٸڭ كٷندەلٸكتٸ ٶمٸرٸمٸزدە ماڭىزدى رٶل اتقارادى. مەملەكەتتٸك ونلاين قىزمەتتەرگە, بٸلٸمگە, مەديتسيناعا جەنە ەكونوميكا سالالارىن تسيفرلاندىرۋعا قول جەتكٸزۋدٸ قامتاماسىز ەتەدٸ. حالىقارالىق دەرەكتەر بويىنشا قازاقستاندا ينتەرنەتتٸ پايدالاناتىن حالىقتىڭ ٷلەسٸ دامىعان ەلدەر دەڭگەيٸندە. بٷگٸنگٸ كٷنٸ بٷكٸل ەلەمدە ينتەرنەتتٸ تۇتىنۋدىڭ قارقىندى ٶسۋٸ بايقالادى. قازاقستاندا 2020-شى جىلعا قاراعاندا ترافيكتٸڭ ٶسۋٸ 61,5 پايىزعا, ال ابونەنتتەر سانى 12,9 پايىزعا ٶستٸ», — دەدٸ مينيستر.
ونىڭ اتاپ ٶتۋٸنشە, Speedtest Ookla-نىڭ 2024 جىلعى سەۋٸردەگٸ دەرەكتەرٸنە سەيكەس, قازاقستان 43,62 مبيت/س ورتاشا ينتەرنەت جىلدامدىعىمەن 66-ورىندا تۇر.
«قازاقستاندا 6 290 اۋىل بار, ونىڭ ٸشٸندە سىمدى ينتەرنەت بويىنشا وپتيكا 2 606 اۋىلعا جەتكٸزٸلگەن. موبيلدٸ ينتەرنەت 4 866 اۋىلدا قولجەتٸمدٸ. قولدانىستاعى سالىقتىق جەڭٸلدٸكتەر اياسىندا 2023 جىلى 1 161 اۋىل 4G تەحنولوگيياسىنا قوسىلدى. بٷگٸنگٸ تاڭدا 1 424 اۋىل موبيلدٸ ينتەرنەتكە قول جەتكٸزە الماي وتىر. ۇيالى بايلانىس وپەراتورلارىن ىنتالاندىرۋ ٷشٸن مينيسترلٸك جاڭا سالىق كودەكسٸنە راديوجيٸلٸك سپەكترٸنە سالىقتىق جەڭٸلدٸكتەردٸ ۇزارتۋدى جەنە تٶلەم مٶلشەرلەمەسٸن ٶزگەرتۋدٸ ۇسىندى. وسىلايشا بايلانىس وپەراتورلارىنىڭ ليتسەنزييالىق مٸندەتتەمەلەرٸندە 1 076 اۋىلدى ينتەرنەتپەن قامتاماسىز ەتۋ كٶزدەلگەن», — دەيدٸ جاسلان مەديەۆ.
