Qazaqstanda taǵy 1186 adamnan koronavirýs anyqtaldy, olardyń PTR testi oń shyqqan. Kóp naýqas Almaty men Nur-Sultan qalalarynda tirkelgen. Ótken táýlikte Almatyda – 318, Nur-Sultanda – 307, Qaraǵandy oblysynda 100 naýqas tirkelgen. Qalǵan oblystar men qalalarda anyqtalǵan naýqastar júzge jetpeidi.
Taǵy 57 adamǵa koronavirýs pnevmoniiasy diagnozy qoiylǵan. 11 adam ólimi tirkelgen. Bul – 16 naýryz kúngi málimet. Densaýlyq saqtaý ministrligi koronavirýs pnevmoniiasy men adam ólimine qatysty eki kún burynǵy málimetti jariialap keledi.
Resmi málimet boiynsha, elde koronavirýs juqtyrǵandar 227 953 adamǵa jetken. 208,8 myńy jazylǵan. 2 881 adam qaitys bolǵan.
Sondai-aq, 18 naýryzdaǵy málimet boiynsha 19 871 adam koronovirýs infektsiiasynan (16 191 KVI+ jáne 3 680 KVI-) emdelip jatyr. Olardyń ishinde 5 603 patsient - statsionarda, 14 268 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 236 adamnyń jaǵdaiy aýyr;
• 65 patsienttiń jaǵdaiy óte aýyr;
• 39 naýqas ÓJJ apparatynda jatyr.
2020 jyldyń 1 tamyzynan beri elde koronavirýs pnevmoniiasyna jeke kod berilip, oǵan shaldyqqandar bólek esepke alynyp keledi. Sodan beri 49 896 adamǵa koronavirýs pnevmoniiasy juqqan. 659 adam qaitys bolǵan.
Densaýlyq saqtaý ministrligi koronavirýstan emes, "basqa aýrýdan qaitys boldy" delingen myńǵa jýyq adamnyń ólimin koronavirýs statistikasyna engizbegen.
Aimaqtar boiynsha koronavirýs juqtyrǵandar sany:
Nur-Sultan qalasy - 307, Almaty qalasy - 318, Shymkent qalasy - 23, Aqmola oblysy - 55, Aqtóbe oblysy - 32, Almaty oblysy - 86, Atyraý oblysy - 38, Shyǵys Qazaqstan oblysy - 18, Jambyl oblysy - 11, Batys Qazaqstan oblysy - 64, Qaraǵandy oblysy - 100, Qostanai oblysy - 45, Qyzylorda oblysy - 4, Mańǵystaý oblysy - 8, Pavlodar oblysy - 44, Soltústik Qazaqstan oblysy - 21, Túrkistan oblysy - 12.Amerikalyq Djons Hopkins ýniversitetiniń málimetinshe, álemde koronavirýs juqtyrǵandar 121 mln-nan asqan. Shamamen 68,6 mln adam jazylǵan, 2,67 mln adam qaitys bolǵan.
