Sýret: freepik
QR basym bóliginde atmosferalyq fronttardyń ótýimen turaqsyz aýa-raiyn saqtalady, naizaǵaimen jańbyr, túngi saǵattarda elimizdiń soltústiginde jaýyn-shashyn (jańbyr, qar) jaýady dep habarlaidy “Qazgidromet” RMK baspasóz hatshysy Alina Ysmaǵulova.
"Tek elimizdiń ońtústik-shyǵysynda, batystyń, ońtústiktiń jekelegen aýdandarynda jaýyn-shashynsyz aýa-raiy kútiledi. Respýblika boiynsha jeldiń kúsheiýi, ońtústiginde daýyl, ońtústik-batysynda shańdy daýyl, soltústik-batysy, soltústigi men shyǵysynda tuman kútiledi. Túnde Soltústik Qazaqstan, Qaraǵandy, Shyǵys Qazaqstan oblystarynyń shyǵysynda, Aqmola oblysynyń soltústik-shyǵysynda 1-6 gradýs úsik kútiledi. Mańǵystaý oblysynyń basym bóliginde, Atyraý oblysynyń soltústiginde, shyǵysynda, ońtústiginde, Qyzylorda, Qaraǵandy oblystarynyń batysynda, ońtústiginde, ortalyǵynda, Túrkistan oblysynyń soltústiginde, ońtústik-batysynda, Abai, Aqtóbe oblysynyń ońtústiginde, Ulytaý oblysynyń shyǵysynda, ortalyǵynda joǵary órt qaýipi saqtalady", -dedi maman.
Sondai-aq Alina Ysmaǵulova 2024 jyldyń 02 – 06 mamyr aralyǵynda qatty jaýyn-shashynnyń túsýinen, qar jamylǵysynyń turaqsyzdyǵy men biiktiginiń joǵary bolýyna bailanysty Úlken jáne Kishi Almaty sý alaptarynda (2700 metr biiktiginen joǵary) qar kóshkini qaýpi saqtalatynyn aityp otyr.
"Kóshkin júrý qaýpi múmkin bolýyna bailanysty, qarly betkeilerge shyǵý usynylmaidy. Taýda abai bolyńyzdar.
Mamyrdan qyrkúiekke deiin sozylatyn sel qaýiptiliginiń kúsheiýi kezeńinde «Qazgidromet» RMK Qazaqstannyń taýly aýmaqtarynda jaýyn-shashynnan bolatyn sel qaýpine monitoring júrgizedi. Kún saiyn konsýltatsiialar, boljamdar jáne daýyldy eskertýler qosa júretin sel qaýpi týraly biýlleten shyǵarylady. Aqparat ártúrli deńgeidegi memlekettik ýákiletti organdarǵa jáne halyqqa taratylymdar men internet-portal arqyly beriledi. Barlyq derekter «Qazgidromet» RMK saitynda qoljetimdi", -deidi “Qazgidromet” ókili.
