29-тамыз Қарағанды елдегі ең ірі музыкалық шара орталығына айналды. Qarmet компаниясы ұйымдастырған концертке, Шахтер күнін мерекелеуге облыс орталығында шамамен 250 мың көрермен жиналып, Қазақстандағы қалалық мерекелік шаралардың ауқымы бойынша жаңа рекорд орнатылды, деп хабарлайды Ult.kz.
Жаңа алаң Қарағанды өңірінің тұрғындарын, Қазақстанның басқа облыстарынан және шетелдерден келген қонақтарды біріктірді. Жүздеген мың адам тәуелсіз Қазақстан тарихындағы ең ауқымды Шахтер күнінің бір бөлігі болу үшін Қарағандыға арнайы келді.
Бір сахнада Dequine, Moldanazar, Қайрат Нұртас, Дима Билан және Димаш Құдайберген өнер көрсетті. Түрлі жанр мен буын өкілдері үлкен концерттік бағдарламаның бір бөлігіне айналып, жаңа алаң бірнеше сағат бойы ауқымды шоудың орталығына айналды.
Заманауи сахна, қуатты дыбыс, жарық және мультимедиялық шешімдер, әлемдік және ұлттық деңгейдегі өнерпаздардың өнер көрсетуі, сондай-ақ рекордтық көрермен саны ауқымы бұрын-соңды болмаған ерекше атмосфера қалыптастырды. Концерт бұған дейінгі барлық рекордтарды жаңартты.
«Бұл алаңның энергиясы керемет. Қарағандыға және барлық көрермендерге осындай ауқымды әрі жылы қабылдау үшін рақмет. Шахтер күні құтты болсын!» — деді Дима Билан.
Кештегі ең көп күткен сәттің бірі — әлемге танымал қазақстандық өнерпаз Димаш Құдайбергеннің өнер көрсетуі.
«Көп рақмет, құрметті ағайын! Бұл — керемет сәтте сіздермен бірге болу зор бақыт! Кеншілер күні құтты болсын!» — деді Димаш Құдайберген.
Қарағандыда мұндай ауқымды шараны әлі болмаған. Шамамен 250 мың адам бір мезетте елдегі ең ержүрек мамандық иелеріне арналған үлкен мерекенің бір бөлігіне айналды.
Мерекелік шаралар кәсіпорындардың қызметкерлерін, сала ардагерлерін, олардың отбасыларын, өңір тұрғындары мен қонақтарын біріктірді. Алайда кештің басты нәтижесі тек рекордтық көрсеткіштер емес, елдің индустриялық қуатын қалыптастырып келе жатқан адамдарға деген құрмет пен бірліктің ерекше атмосферасы.
Мерекенің шарықтау шегі — Қазақстанның шахтерлер астанасының аспанын жарқырата түскен ауқымды отшашу болды. Жарқын отшашу ширек миллионнан астам адамды біріктірген тарихи кешке жалынды нүкте қойды.
Жүздеген мың көрермен. Бір қала. Бір алаң. Бір үлкен мереке. Қарағандыда Шахтер күні алғаш рет осындай ауқымда аталып өтті.
Қарағанды Қазақстанның басты шахтерлер орталығы мәртебесін тағы бір мәрте дәлелдеді. Ал Шахтер күні өңірдегі ең маңызды әрі ауқымды мерекелердің бірі екенін көрсетті.
Qarmet барша шахтерлерді, сала ардагерлерін және Қарағанды облысының тұрғындарын Шахтер күнімен құттықтайды!
