Алматының Медеу ауданындағы саяжай алқабынан қараусыз қалған қару мен оқ-дәрілер табылды, деп хабарлайды ult.kz.
Қалалық полиция департаментінің мәліметінше, оқиға орнынан ИЖ маркалы тегіс ұңғылы мылтық, тапаншаға ұқсас зат және 16-калибрлі алты оқ-дәрі тәркіленген.
Қазір табылған заттар сот-баллистикалық сараптамаға жіберілді. Мамандар олардың шығу тегін, кімге тиесілі екенін және қылмыстық іске қатысы бар-жоғын анықтайды.
Полиция азаматтарға қару немесе оқ-дәрі тауып алған жағдайда оларға қол тигізбей, дереу «102» нөміріне хабарлауды ескертті.
