بٷگٸن مەجٸلٸستٸڭ جالپى وتىرىسىندا ٷكٸمەت پەن جوعارى اۋديتورلىق پالاتانىڭ 2025 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸ قارالدى. وتىرىس بارىسىندا دەپۋتات ناۋرىز سايلاۋباي قر پرەمەر-مينيسترٸنٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارينگە مەملەكەتتٸك قارىزدىڭ ٶسۋٸنە قاتىستى سۇراق قويدى, دەپ حابارلايدى ult.kz.
دەپۋتات جوعارى اۋديتورلىق پالاتانىڭ قورىتىندىسىندا قارىز ەسەبٸنەن ٶمٸر سٷرۋ مودەلٸنٸڭ قالىپتاسقانى اتاپ ٶتٸلگەنٸن ايتىپ, مەملەكەت تارتقان نەسيەلەردٸڭ ەدەۋٸر بٶلٸگٸ بۇرىنعى قارىزداردى قايتا قارجىلاندىرۋعا جۇمسالىپ جاتقانىن جەتكٸزدٸ.
فوتو: parlam.kz
«2025 جىلى مەملەكەت تارتقان نەسيەلەردٸڭ 51 پايىزى قولدانىستاعى بورىشتاردى قايتا قارجىلاندىرۋعا باعىتتالعان. ەگەر بۇل ٷردٸس جالعاسا بەرسە, 2028 جىلعا قاراي بيۋدجەت شىعىستارىنىڭ ەلەۋلٸ بٶلٸگٸ تەك قارىزداردى ٶتەۋگە جۇمسالۋى مٷمكٸن دەگەن بولجام بار. ٷكٸمەت مۇنداي قارجىلىق تەۋەكەلدەردٸڭ الدىن الۋ ٷشٸن قانداي ناقتى شارالار قابىلداپ جاتىر جەنە قارىزعا تەۋەلدٸلٸكتەن شىعۋدىڭ ستراتەگيياسى بار ما?» – دەپ سۇرادى دەپۋتات.
ٶز كەزەگٸندە سەرٸك جۇمانعارين مەملەكەتتٸك قارجىنى باسقارۋدىڭ 2030 جىلعا دەيٸنگٸ تۇجىرىمداماسى ەزٸرلەنگەنٸن اتاپ ٶتتٸ.
فوتو: primeminister.kz
«بٸزدە مەملەكەتتٸك قارجىنى 2030 جىلعا دەيٸن باسقارۋعا ارنالعان ارنايى تۇجىرىمداما بار. ونىڭ نەگٸزٸ – فيسكالدىق كونسوليداتسييا. بۇل, بٸرٸنشٸدەن, شىعىستاردى قىسقارتۋ, ەكٸنشٸدەن, كٸرٸستەردٸ ارتتىرۋ دەگەن سٶز. سونىڭ نەتيجەسٸندە مەملەكەتتٸك بورىش كٶلەمٸ دە ازايادى», – دەدٸ مينيستر.
ونىڭ ايتۋىنشا, بٸر قارىزدى ەكٸنشٸسٸمەن قايتا قارجىلاندىرۋ حالىقارالىق تەجٸريبەدە كەڭٸنەن قولدانىلادى.
«سوڭعى جىلدارى قازاقستاننىڭ حالىقارالىق كرەديتتٸك رەيتينگتەرٸ جاقسارىپ كەلەدٸ. سونىڭ ارقاسىندا بٸز قارجىنى بۇرىنعىدان دا تيٸمدٸ شارتتارمەن تارتا الامىز. مىسالى, Panda Bond اياسىندا تارتىلعان قاراجاتتىڭ مٶلشەرلەمەسٸ شامامەن 1,9 پايىز بولدى. سوندىقتان بٸز قىمبات قارىزداردى ارزان قارجىمەن الماستىرىپ, بورىشتىق جٷكتەمەنٸ وڭتايلاندىرۋعا تىرىسامىز», – دەدٸ جۇمانعارين.
مينيستردٸڭ مەلٸمەتٸنشە, اتالعان تۇجىرىمداماعا سەيكەس بيۋدجەت تاپشىلىعىن كەزەڭ-كەزەڭٸمەن تٶمەندەتۋ كٶزدەلگەن.
«قازٸرگٸ تاڭدا بيۋدجەت تاپشىلىعى جالپى ٸشكٸ ٶنٸمنٸڭ شامامەن 2,5 پايىزىن قۇرايدى. ونى كەلەسٸ جىلى 1,7 پايىزعا, ال 2028 جىلى 0,9 پايىزعا دەيٸن قىسقارتۋ جوسپارلانىپ وتىر», – دەدٸ ول.
