استانادا شەتەل ازاماتتارىنا جەكە سەيكەستەندٸرۋ نٶمٸرٸن (جسن) زاڭسىز رەسٸمدەۋ سحەماسى ەشكەرەلەندٸ. بۇل تۋرالى قارجىلىق مونيتورينگ اگەنتتٸگٸ مەلٸمدەدٸ, دەپ حابارلايدى ult.kz.
تەرگەۋ مەلٸمەتٸنشە, 2024–2025 جىلدارى شەتەل ازاماتتارىنا قازاقستانعا كەلمەي-اق جەنە مٸندەتتٸ بيومەترييالىق سەيكەستەندٸرۋدەن ٶتپەي جسن الۋعا كٶمەكتەسكەن زاڭسىز سحەما جۇمىس ٸستەگەن.
قولدانىستاعى زاڭناماعا سەيكەس, شەتەل ازاماتتارىنا جسن تەك ولاردىڭ قازاقستان اۋماعىندا جەكە قاتىسۋى جەنە بيومەترييالىق تەكسەرۋدەن ٶتۋٸ ارقىلى بەرٸلەدٸ.
قما مەلٸمەتٸنشە, زاڭسىز قىزمەتتٸ ۇيىمداستىرۋشىلار ەلەۋمەتتٸك جەلٸدەگٸ ارنايى ارنا ارقىلى جسن-دى قاشىقتان الۋعا مٷددەلٸ شەتەل ازاماتتارىن ٸزدەپ, تارتقان.
سحەماعا «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ استانا قالاسىنداعى فيليالىنىڭ قىزمەتكەرلەرٸ دە قاتىسقان. ولار حقكو اقپاراتتىق جٷيەسٸنە جالعان مەلٸمەتتەر ەنگٸزٸپ, جسن الۋعا قاتىستى جالعان ٶتٸنٸمدەر رەسٸمدەگەن.
زاڭسىز قىزمەت ٷشٸن تٶلەنگەن قاراجات دەلدالدار ارقىلى بانك اۋدارىمدارىمەن قابىلدانىپ, كەيٸن قاتىسۋشىلار اراسىندا بٶلٸنگەن.
اتالعان قىلمىستىق ٸس سوتقا جولداندى. تەرگەۋ مٷددەسٸنە بايلانىستى ٶزگە اقپارات جارييا ەتٸلمەيدٸ.
وسى ورايدا استانادا شەتەل ازاماتتارىنا جسن - دى زاڭسىز رەسٸمدەۋ سحەماسىنىڭ ەشكەرەلەنۋٸنە قاتىستى «ازاماتتارعا ارنالعان ٷكٸمەت» مەملەكەتتٸك كورپوراتسيياسى مەلٸمدەمە جاسادى.
"2025 جىلى مەملەكەتتٸك كورپوراتسييا شەتەل ازاماتتارىنا جسن رەسٸمدەۋ بارىسىندا بەلگٸلەنگەن تەرتٸپتٸڭ ساقتالماۋىنا بايلانىستى جەكەلەگەن فاكتٸلەردٸ ٶز كٷشٸمەن انىقتادى. اتالعان جاعداي بويىنشا دەرەۋ قىزمەتتٸك تەكسەرۋ جٷرگٸزٸلٸپ, ونىڭ نەتيجەسٸندە زاڭبۇزۋشىلىقتار راستالدى. تەكسەرۋ قورىتىندىسى بويىنشا ماتەريالدار قازاقستان رەسپۋبليكاسىنىڭ زاڭناماسىنا سەيكەس تيٸستٸ پروتسەستٸك شەشٸمدەر قابىلداۋ ٷشٸن قۇقىق قورعاۋ ورگاندارىنا جولداندى.
وسى تۇستا, مەملەكەتتٸك كورپوراتسييا مۇنداي جاعدايلاردى بولدىرماۋعا باعىتتالعان بٸرقاتار جٷيەلٸ شارالاردى ٸسكە اسىرعانىن جەتكٸزەمٸز.
اتاپ ايتقاندا, حالىققا قىزمەت كٶرسەتۋ ورتالىقتارىنىڭ اقپاراتتىق جٷيەسٸ (حقكو ياج) شەتەل ازاماتتارىنىڭ مەملەكەتتٸك شەكارانى كەسٸپ ٶتكەنٸ تۋرالى مەلٸمەتتەردٸ, ونىڭ ٸشٸندە ولاردىڭ سەيكەستەندٸرۋ دەرەكتەرٸن الۋعا مٷمكٸندٸك بەرەتٸن «بەركۋت» بٸرىڭعاي اقپاراتتىق جٷيەسٸمەن ينتەگراتسييالاندى. سونىڭ نەتيجەسٸندە شەتەل ازاماتىنىڭ قازاقستان رەسپۋبليكاسىنىڭ اۋماعىندا ەكەنٸن راستايتىن مەلٸمەت بولماعان جاعدايدا جسن رەسٸمدەۋگە مٷمكٸندٸك بەرمەيتٸن اۆتوماتتاندىرىلعان باقىلاۋ تەتٸگٸ ەنگٸزٸلدٸ. سونىمەن قاتار «بەركۋت» اقپاراتتىق جٷيەسٸنەن كەلٸپ تٷسكەن ٶتٸنٸش بەرۋشٸنٸڭ دەربەس دەرەكتەرٸنە حقكو قىزمەتكەرلەرٸنٸڭ ٶزگەرٸس ەنگٸزۋ مٷمكٸندٸگٸ تولىقتاي الىنىپ تاستالدى.
بۇدان بٶلەك, قازاقستان رەسپۋبليكاسىنىڭ «سەيكەستەندٸرۋ نٶمٸرلەرٸنٸڭ ۇلتتىق تٸزٸلٸمدەرٸ تۋرالى» زاڭىنا سەيكەس ٶتٸنٸش بەرۋشٸ مٸندەتتٸ تٷردە جەكە كەلۋٸن كٶزدەيتٸن قوسىمشا باقىلاۋ مەحانيزمٸ ەنگٸزٸلدٸ.
مەملەكەتتٸك كورپوراتسييا مەملەكەتتٸك قىزمەت كٶرسەتۋ بارىسىندا ورىن الاتىن زاڭبۇزۋشىلىقتاردى انىقتاۋ جەنە ولاردىڭ جولىن كەسۋ باعىتىنداعى جۇمىستى تۇراقتى نەگٸزدە جٷرگٸزٸپ كەلەدٸ. بۇل رەتتە قازاقستان رەسپۋبليكاسىنىڭ زاڭناماسىن, ٸشكٸ رەگلامەنتتەردٸ, سونداي-اق اقپاراتتىق قاۋٸپسٸزدٸك پەن دەربەس دەرەكتەردٸ قورعاۋ تالاپتارىن بۇزۋعا قاتىستى مٷلدەم تٶزبەۋشٸلٸك قاعيداتىن ۇستانادى" دەلٸنگەن حابارلامادا.
ايتا كەتۋ كەرەك, مەملەكەتتٸك كورپوراتسييا 2024 جىلى ٶز بەتٸنشە انىقتاعان 90 ماتەريالدى, 2025 جىلى 91 ماتەريالدى, ال 2026 جىلدىڭ العاشقى بەس ايىندا 23 ماتەريالدى قۇقىق قورعاۋ ورگاندارىنا جولدادى.
