قازاقستاندا وتباسىندا جانجال شىعارعاندار باسپانادان ۋاقىتشا شىعارىلادى جەنە پسيحوكوررەكتسييالىق باعدارلامادان ٶتۋگە مٸندەتتەلەدٸ. بۇل تۋرالى قر پارلامەنتٸ مەجٸلٸسٸنٸڭ دەپۋتاتى ايگٷل نۇركينا مەلٸمدەدٸ, دەپ حابارلايدى قازاقپارات.
«پارلامەنتتە دەپۋتاتتار كورپۋسى ۇسىنعان وتباسىلىق-تۇرمىستىق زورلىققا قارسى ٸس-قيمىل زاڭ جوباسى تالقىلانىپ جاتىر. تالقىلاۋ بارىسىندا ونىڭ اتاۋى «تۇرمىستىق قارىم-قاتىناستاعى زورلىق-زومبىلىققا قارسى ٸس-قيمىل» دەپ ٶزگەرتٸلدٸ. تالقىلاۋ جۇمىستارى ٶتە بەلسەندٸ جٷرٸپ جاتىر, وعان وسى سالاداعى ەڭ بەلسەندٸ قوعامدىق بٸرلەستٸك ٶكٸلدەرٸ شاقىرىلعان», - دەدٸ ا. نۇركينا قر اقپارات جەنە قوعامدىق دامۋ مينيسترلٸگٸ ٶتكٸزگەن ونلاين جينالىستا.
ونىڭ ايتۋىنشا, بۇل باستامانى دەپۋتاتتار ۇسىنىپ وتىر.
«دەپۋتاتتار زورلىق-زومبىلىق فاكتٸسٸ بولىپ, ادام ٶمٸرٸنە قاۋٸپ تٶنگەن جاعدايدا وتباسىلىق اگرەسسور مەن جەبٸرلەنۋشٸنٸڭ 10 كٷنگە دەيٸن بٸر باسپانادا تۇرۋىنا تىيىم سالۋ باستاماسىن قولدادى. سوت قارىم-قاتىناسى ورناعان جاعدايدا, قۇقىق بۇزۋشى پسيحوكوررەكتسييالىق باعدارلامادان ٶتۋگە مٸندەتتەلەدٸ. قاجەت بولعان جاعدايدا ٶزگە باسپاناسى بار-جوعىنا قاراماستان ورتاق باسپانادان ۋاقىتشا شىعۋعا دا مەجبٷر بولادى», - دەدٸ دەپۋتات.
قازٸرگٸ ۋاقىتتا تٷزەتۋلەر مەن ٶزگەرٸستەردٸڭ العاشقى بٶلٸگٸ ٷكٸمەتكە جٸبەرٸلگەن. وسى اپتادا ٶزگەرٸستەردٸڭ تاعى بٸر بٶلٸگٸ جولدانادى.
