اقش-تىڭ تەحاس شتاتىنداعى لارەدو قالاسىندا Cessna Citation Latitude تيپتٸ بيزنەس-دجەت تاس جولعا قۇلاپ, ارتىنشا ٶرتكە وراندى, دەپ حابارلايدى ult.kz.
اپات سالدارىنان بٸر ادام كٶز جۇمىپ, تاعى بٸرنەشە ادام جاراقات الدى.
Associated Press اگەنتتٸگٸنٸڭ حابارلاۋىنشا, NetJets كومپانيياسىنا تيەسٸلٸ ۇشاق بورتىندا التى ادام بولعان. ولاردىڭ بٸرٸ وقيعا ورنىندا قازا تاپسا, قالعان بەس جولاۋشى تٷرلٸ جاراقات الىپ, اۋرۋحاناعا جەتكٸزٸلگەن.
ۇشاق لارەدو حالىقارالىق ەۋەجايىنىڭ ماڭىندا قۇلاعان. ديسپەتچەرلەر ۇشۋ كەزٸندە بورتتا تەحنيكالىق اقاۋ تٸركەلگەنٸن حابارلاعان. بٸراز ۋاقىتتان كەيٸن ەۋە كەمەسٸمەن بايلانىس ٷزٸلٸپ, ۇشاق Loop 20 تاس جولىنا قۇلاپ تٷسكەن.
كۋەگەرلەردٸڭ ايتۋىنشا, اپاتتان كەيٸن ۇشاق ٶرتەنٸپ, اينالاداعىلار زارداپ شەككەندەردٸ كابينادان شىعارۋعا كٶمەكتەسكەن. كەيبٸر ادامدار تەرەزەنٸ قۇرالداردىڭ كٶمەگٸمەن سىندىرۋعا تىرىسقان.
ۇشاقتىڭ بٸر بٶلٸگٸ جولدا كەلە جاتقان كٶلٸككە دە سوعىلعان. كٶلٸكتەگٸ ادامدار امان قالعانىمەن, ولار دا اۋرۋحاناعا جەتكٸزٸلدٸ. قۇتقارۋ جۇمىستارىنا قاتىسقان بەس پوليتسييا قىزمەتكەرٸ تٷتٸنگە ۋلانۋ بەلگٸلەرٸمەن مەديتسينالىق كٶمەك العان.
