اقش-تا JetBlue ەۋە كومپانيياسىنىڭ لاس-ۆەگاستان نيۋ-يورككە باعىت العان Airbus A321جولاۋشىلار ۇشاعى قونۋعا جاقىنداعان سەتتە درونمەن سوقتىعىستى, دەپ حابارلايدى ult.kz.
وقيعا جەردەن شامامەن 900 مەتر (3000 فۋت) بيٸكتٸكتە, جەرگٸلٸكتٸ ۋاقىتپەن تاڭعى 07:15 شاماسىندا بولعان. ۇشقىش ەۋە قوزعالىسىن باسقارۋ قىزمەتٸنە درون ۇشاقتىڭ كابيناسىنىڭ دەل ٷستٸڭگٸ بٶلٸگٸنە تيگەنٸن حابارلاعان.
سوعان قاراماستان ەكيپاج تٶتەنشە كٶمەك سۇراماعان. ۇشاق نيۋ-يوركتەگٸ دجون كەننەدي حالىقارالىق ەۋەجايىنا (JFK) سەتتٸ قونىپ, بارلىق جولاۋشى قالىپتى تٷردە تٷسٸرٸلدٸ. كەيٸن ەۋە كەمەسٸ تەحنيكالىق تەكسەرۋدەن ٶتكٸزٸلگەنٸمەن, ماماندار ۇشاقتان ەشقانداي زاقىم نەمەسە سوقتىعىس ٸزدەرٸن انىقتاماعان.
وقيعانىڭ مەن-جايىن اقش فەدەرالدىق اۆياتسييا باسقارماسى (FAA) تەرگەپ جاتىر. ۆەدومستۆونىڭ مەلٸمەتٸنشە, ەلدەگٸ ەۋەجايلاردىڭ ماڭىندا اي سايىن درونداردىڭ زاڭسىز ۇشقانى تۋرالى جٷزدەن استام حابارلاما تٷسەدٸ. مۇنداي ەرەكەت ۇشاقتاردىڭ قاۋٸپسٸزدٸگٸنە ايتارلىقتاي قاۋٸپ تٶندٸرەدٸ جەنە زاڭ بۇزۋشىلارعا ٸرٸ كٶلەمدە ايىپپۇل سالىنۋى نەمەسە قىلمىستىق جاۋاپكەرشٸلٸككە تارتىلۋى مٷمكٸن.
