يندونەزييادا ياۆا تەڭٸزٸندە جولاۋشىلار كەمەسٸ اۋدارىلىپ, 129 ادام ٸز-تٷزسٸز جوعالدى. قۇتقارۋشىلاردىڭ جۇمىسىنا تەڭٸزدەگٸ قولايسىز اۋا رايى مەن بيٸكتٸگٸ ٷش مەترگە دەيٸن جەتكەن تولقىندار كەدەرگٸ كەلتٸرٸپ جاتىر, دەپ حابارلايدى ult.kz.
وقيعا كەزٸندە Virgo Transport 8 كەمەسٸنٸڭ بورتىندا 243 ادام بولعان. كەمە شىعىس ياۆاداعى سۋرابايا قالاسىنان وڭتٷستٸك كاليمانتاندا ورنالاسقان باندجارماسينگە قاراي بەت العان.
اپاتتان كەيٸن 108 ادام قۇتقارىلعان. سونىمەن قاتار التى ادامنىڭ قازا بولعانى رەسمي تٷردە راستالدى.
قازٸرگٸ تاڭدا جوعالعان جولاۋشىلاردى ٸزدەۋگە كەمٸندە 622 قۇتقارۋشى تارتىلعان. وپەراتسيياعا 17 كەمە, بەس تٸكۇشاق جەنە ۇشاقتار دا قاتىسىپ جاتىر. الايدا قاتتى جەل مەن بيٸك تولقىندار اۋدارىلعان كەمەگە جاقىنداۋدى قيىنداتىپ وتىر.
قۇتقارۋ قىزمەتٸنٸڭ مەلٸمەتٸنشە, اپات كەزٸندە تەڭٸزدەگٸ اۋا رايى كٷرت ٶزگەرگەن. ٷش مەترگە دەيٸن جەتكەن تولقىن كەمەنٸڭ وڭ جاق بورتىنا سوعىلىپ, نەتيجەسٸندە كەمە بٸر بٷيٸرٸنە قاتتى قيسايىپ, كەيٸن اۋدارىلعان.
يندونەزييانىڭ كٶلٸك مينيسترٸ دۋدي پۋرۆاگاندحيدٸڭ ايتۋىنشا, كەمەنٸڭ سىيىمدىلىعى 500 جولاۋشىعا دەيٸن ەسەپتەلگەن. سوندىقتان مينيستر اپاتقا بورتتاعى ادام سانىنىڭ شامادان تىس كٶپ بولۋى سەبەپ بولدى دەگەن بولجامدى جوققا شىعاردى.
قازٸر 129 ادامدى ٸزدەۋ-قۇتقارۋ وپەراتسيياسى جالعاسىپ جاتىر.
