زييالى قاۋىم ٶكٸلدەرٸ بولاشاق ٶمٸر تۋرالى مەسەلەنٸ قازٸردەن وي تارازىسىنا سالا بەرۋگە تيٸس. بۇل تۋرالى مەملەكەت باسشىسى قاسىم-جومارت توقاەۆ رەسپۋبليكالىق «انا تٸلٸ» باسىلىمىنا بەرگەن سۇحباتىندا ايتتى, دەپ حابارلايدى "ۇلت اقپارات".
«شىن مەنٸندە, وزىق ويلى زييالى قاۋىمنىڭ پٸكٸرٸ ەلەۋمەتتٸك شيەلەنٸس كەزٸندە ماڭىزدى رٶل اتقارادى. ادامدار اقىل-پاراساتى ارقىلى ٸشكٸ تٷيسٸگٸنە قۇلاق اسىپ, ٶزٸنە قاجەتتٸ قورىتىندى جاساپ, ٶتكەن ٸستەن ساباق الادى. ەسٸرەسە بۇل ەجەلدەن كەلە جاتقان دەستٷرٸ بار بٸزدٸڭ قوعام ٷشٸن ٶتە ٶزەكتٸ. پاندەمييا كەزٸندە مەملەكەتتٸك ساياساتتى جٷزەگە اسىرۋعا قوسقان ەلەۋلٸ ٷلەسٸ ٷشٸن بارشا زييالى قاۋىم ٶكٸلدەرٸنە, ونىڭ ٸشٸندە اكادەميك تٶرەگەلدٸ شارمانوۆقا شىنايى ريزاشىلىعىمدى بٸلدٸرەمٸن. سونداي-اق بٸزدٸڭ بەلگٸلٸ اقىن-جازۋشىلارىمىز سوڭعى كەزدەگٸ وقيعالارعا بەلسەندٸرەك ارالاسىپ, جاستارعا ٶمٸرلٸك تەجٸريبەسٸن ٷيرەتٸپ, تەمٸرقازىق سەكٸلدٸ جول كٶرسەتە الادى دەپ ويلايمىن», - دەدٸ قر پرەزيدەنتٸ.
مەملەكەت باسشىسى قازٸر بٷكٸل دٷنيەجٷزٸ پاندەمييا سالدارىمەن كٷرەسٸپ جاتقانىن, ەلەمدٸك ەكونوميكا كٶز الدىمىزدا قۇلدىراپ, جۇرتتىڭ ٶمٸر سٷرۋ سالتى ٶزگەرگەنٸن جەنە وسى ٷردٸستەر كٷن تەرتٸبٸندەگٸ ٶزەكتٸ مەسەلەلەرگە اينالعانىن باسا ايتتى.
«مٸنە, وسىنداي كەزدە جاس ۇرپاققا بەدەلدٸ اقىل-وي يەلەرٸنٸڭ پاراساتتى پٸكٸرٸ اۋاداي قاجەت. بەرٸمٸزدٸ, ەسٸرەسە جاستاردى «ارى قاراي قالاي ٶمٸر سٷرەمٸز?» دەگەن ساۋال مازالايدى. وسىنداي سەتتە بٸزدٸڭ كٶزقاراسىمىز, بولمىسىمىز, وسى بٸز ٶمٸر سٷرٸپ جاتقان جاڭا زاماننىڭ تالابىنا ساي بولۋى كەرەك. ياعني تاريحي تۇرعىدان جاڭارتىلعان قۇندىلىقتارعا بەت بۇرۋعا تيٸسپٸز. بٸزگە قازٸرگٸ زاماننىڭ سىن-قاتەرلەرٸنە تٶتەپ بەرەتٸن اقىل-وي تۇجىرىمى قاجەت. جوعارى زاماناۋي تەحنولوگييا, روبوتتار, جاساندى ينتەللەكت دەۋٸرٸندە اقىل-كەڭەس تٷسٸنٸگٸ ەرەكشە ماڭىزدى بولماق. جاڭا زاماندا ار, نامىس, ۇيات سيياقتى ادامي قاسيەتتەرگە قاجەتتٸلٸك بولا ما? مەنٸڭ ويىمشا, بۇل – زييالى قاۋىم ٶكٸلدەرٸ تالقىلايتىن اۋقىمدى فيلوسوفييالىق مەسەلە. ٷلگٸ-ٶنەگە, ۇلتتىق قۇندىلىقتار بولماسا, ماشينالار مەن روبوتتار ەلەمٸندە جۇتىلىپ كەتەتٸنٸمٸز سٶزسٸز. بٸزدٸڭ ۇلى اقىن-جازۋشىلارىمىزدىڭ شىعارمالارى دا ماڭىزىن جوعالتادى. ەرينە, مۇنداي جاعدايدىڭ مٷلدە بولماعانى جاقسى. سوندىقتان زييالى قاۋىم ٶكٸلدەرٸ بولاشاق ٶمٸر تۋرالى مەسەلەنٸ قازٸردەن وي تارازىسىنا سالا بەرۋگە تيٸس», - دەدٸ قاسىم-جومارت توقاەۆ.
