فوتو: global-guide.org
قازاقستاندا بيلٸك جاڭا سالىق كودەكسٸ قابىلدادى. وعان سەيكەس كەيبٸر جاعدايدا جىلجىمايتىن مٷلٸك ساتقاندا تٶلەنەتٸن سالىق 10-نان 15 %-عا دەيٸن ٶسەدٸ. سونىمەن قاتار مٸندەتتٸ تٷردە سالىق تٶلەنەتٸن جاعدايلارعا قويىلاتىن تالاپ تا ٶزگەرەدٸ. بۇل تۋرالى Ult.kz تٸلشٸسٸ Krisha.kz-كە سٸلتەمە جاساپ حابارلايدى.
قاشان سالىق تٶلەۋ كەرەك
سٸز جىلجىمايتىن مٷلٸككە بٸر جىلدان از ۋاقىت يەلٸك ەتٸپ, ونى قىمباتقا ساتىپ پايدا تاپساڭىز, سالىق تٶلەۋٸڭٸز كەرەك.
كەز كەلگەن جىلجىمايتىن مٷلٸكتٸ ساتقاندا سالىق سالىنادى:
پەتەر, جەر ٷي, ساياجاي;
قويما;
تۇراق ورنى نەمەسە گاراج;
جەر تەلٸمٸ.
قازٸر سالىق مٶلشەرلەمەسٸ پايدانىڭ 10 %-ىن قۇرايدى. بۇل ەرەجە 2025 جىلدىڭ اياعىنا دەيٸن كٷشٸندە بولادى.
ساتقان كەزدەگٸ سالىق: جاڭا ەرەجە
2026 جىلدىڭ 1 قاڭتارىنان باستاپ جاڭا سالىق كودەكسٸ كٷشٸنە ەنەدٸ. ول جىلجىمايتىن مٷلٸك ساتقاندا سالىناتىن سالىققا ەكٸ نەگٸزگٸ ٶزگەرٸس ەنگٸزەدٸ:
1. يەلٸك ەتۋ مەرزٸمٸ ەكٸ جىلعا ۇزارادى
ەندٸ جىلجىمايتىن مٷلٸكتٸ ساتقاندا سالىق تٶلەمەۋ ٷشٸن, ول سٸزدٸڭ مەنشٸگٸڭٸزدە كەمٸندە ەكٸ جىل بولۋعا تيٸس. ياعني, بۇرىنعى بٸر جىلدىق مەرزٸم ەكٸ جىلعا ۇزارادى.
ماڭىزدى: ەكٸ جىلدىق يەلٸك ەتۋ نورماسى تەك 2026 جىلدىڭ 1 قاڭتارىنان باستاپ ساتىپ الىنعان مٷلٸككە قولدانىلادى. دەمەك 2028 جىلدىڭ 1 قاڭتارىنان باستاپ سالىق تٶلەمەيسٸز.
2025 جىلدىڭ اياعىنا دەيٸن باسپانا ساتىپ العاندار ٷشٸن بۇرىنعى ەرەجە ساقتالادى. يەلٸك ەتۋ مەرزٸمٸ بٸر جىلدان اسسا سالىق تٶلەمەيسٸز.
2026 جىلعا دەيٸن ساتىپ الىنعان پەتەرگە بۇرىنعى ەرەجە قولدانىلادى. بٸر جىلدان استام ۋاقىت يەلٸك ەتسەڭٸز سالىق تٶلەۋدٸڭ قاجەتٸ جوق.
2. سالىق مٶلشەرلەمەسٸ 15 %-عا دەيٸن ٶسەدٸ
جەكە تابىس سالىعىنىڭ بازالىق مٶلشەرلەمەسٸ ٶزگەرمەيدٸ. ساتىپ العان كەزدەگٸ باعا مەن ساتقانداعى باعانىڭ ايىرماشىلىعىن, ياعني 10 %-ىن تٶلەيسٸز. بٸراق تٷسكەن پايدا ٶتە جوعارى بولسا, سالىق 15 % بولادى.
جاڭا سالىق كودەكسٸ بويىنشا 8500 اەك-تەن (2025 جىلى شامامەن 33.4 ملن تەڭگە) اسقان پايدا ٶتە جوعارى دەپ ەسەپتەلەدٸ.
پايدا 8500 اەك-تەن اسسا, بۇعان دەيٸنگٸ سوماعا 10 %, ارتىق بولسا 15 % مٶلشەرلەمە قولدانىلادى.
سالىق ەسەپتەۋ مىسالدارى
ساتۋ مەرزٸمٸ — 1 جىل, پايدا — 10 ملن تەڭگە
سالىق — 10 %, ياعني 1 ملن تەڭگە
ساتۋ مەرزٸمٸ — 2.5 جىل, پايدا — 40 ملن تەڭگە
سالىق — 0 تەڭگە, سەبەبٸ يەلٸك ەتۋ مەرزٸمٸ جوعارى
ساتۋ مەرزٸمٸ — 1 جىل, پايدا — 50 ملن تەڭگە.
34 ملن تەڭگەگە دەيٸن 10 % — 3.4 ملن تەڭگە.
قالعان 16 ملن تەڭگەگە 15 % — 2.4 ملن تەڭگە.
جالپى سالىق — 5.8 ملن تەڭگە
شەتەل ازاماتى يەلٸك ەتۋ مەرزٸمٸنە قاراماستان 15 % تٶلەيدٸ.
سالىقتى قالاي تٶلەۋ كەرەك
الدىمەن دەكلاراتسييا (270.00-نىسان) تاپسىرۋ قاجەت — مٷلٸك ساتىلعان جىلدان كەيٸنگٸ جىلدىڭ 15 قىركٷيەگٸنە دەيٸن.
سالىق تٶلەۋ مەرزٸمٸ — 25 قىركٷيەككە دەيٸن (دەكلاراتسييا تاپسىرعاننان كەيٸن 10 كٷن ٸشٸندە).
سالىق تٶلەۋ جولدارى:
— E-Salyq Azamat موبيلدٸ قوسىمشاسى ارقىلى.
— eGov. kz سايتىندا.
— سالىق تٶلەۋشٸنٸڭ ەلەكتروندى كابينەتٸندە.
— ٶز اۋدانىڭىزداعى مەملەكەتتٸك كٸرٸستەر باسقارماسىنا بارۋعا بولادى.
2026 جىلدىڭ 1 قاڭتارىنان باستاپ سەن-سالتانات سالىعى كٷشٸنە ەنەدٸ. مەنشٸگٸڭٸزدەگٸ مٷلٸكتەردٸڭ جيىنتىق قۇنى 450 ملن تەڭگەدەن اسسا سالىق تٶلەۋگە تۋرا كەلەدٸ. بۇل قۇنى 75 ملن تەڭگەدەن اساتىن قىمبات كٶلٸك يەلەرٸنە دە ەسەر ەتەدٸ.
