جىل سوڭىنا دەيٸن 4 تەلەارنا ارقىلى 11 تاريحي سەريال كٶرەرمەنگە جول تارتادى. بۇل تۋرالى قر اقپارات جەنە قوعامدىق دامۋ مينيسترٸ ايدا بالاەۆا Kazmedia ورتالىعىندا ٶتكەن تاريحي سەريالداردىڭ تانىستىرىلىمىندا ايتتى, دەپ حابارلايدى قازاقپارات.
«تٷسٸرٸلٸپ جاتقان سەريالدارعا تاعدىرى ارقاۋ بولعان تۇلعالاردىڭ بەرٸنٸڭ دە ارمانى - ەلدٸ تەۋەلسٸزدٸككە جەتكٸزۋ ەدٸ. وسى جولدا باستارىن بەيگەگە تٸكتٸ. سوندىقتان ۇلت ماقتانىشتارىنىڭ ٶنەگەلٸ ٶمٸر جولىن كٶرسەتۋ ارقىلى بٸز جاس ۇرپاقتىڭ رۋحىن كٶتەرٸپ, تەۋەلسٸزدٸگٸمٸزدٸڭ قۇنىن ۇعىندىرا الامىز. پرەزيدەنت تاپسىرماسىن ورىنداۋ اياسىندا ۇلتتىق ارنا وسى شارانى ۇيىمداستىرىپ وتىر. تەلەارنا باسشىلىعىنا, لەززات مۇراتقىزى مەن ۇجىمعا العىس ايتامىز», - دەدٸ ۆەدومستۆو باسشىسى.
سونداي-اق, ول مەملەكەتتٸك تەلەارنالار ۇسىناتىن كونتەنتتٸڭ 30 پايىزى تاريح تاقىرىبىنا ارنالىپ وتىرعانىن مەلٸم ەتتٸ.
«بٷگٸندە تاريحي جوبالار مەملەكەتتٸك تەلەارنالار ۇسىناتىن ٶنٸمنٸڭ 30 پايىزىن قۇرايدى. جىل سوڭىنا دەيٸن تاريحي باعىتتاعى 11 سەريال كٶرەرمەن نازارىنا ۇسىنىلادى. اتاپ ايتساق, ۇلتتىق ارنادا «دومالاق انا», «جەڭگٸر حان. ساراي سىرى», «دومالاق انا», «قانىش. قازىنا», «تەشەنەۆ. تايتالاس», «احمەت. ۇلت ۇستازى» حيكايالارى, «حابار» ارناسىندا «بۇلبۇل ەنشٸ روزا باعلانوۆا», 31-ارنادا «جامبىل جاباەۆ», Almaty ارناسىندا «تۇرار رىسقۇلوۆ» سەريالدارى كٶرسەتٸلەدٸ. بۇلاردىڭ بەرٸ كٶرەرمەن كٶڭٸلٸنەن شىعىپ, جوعارى باعا الادى دەپ سەنەمٸن. بۇل تۋىندىلاردىڭ تانىستىرىلىمىن جىلداعىداي جابىق فورماتتا دا ٶتكٸزۋگە بولاتىن ەدٸ. دەسە دە, تاريحي سەريالداردىڭ ماڭىزىن ەسكەرە وتىرىپ, ارنايى شارا ۇيىمداستىردىق», - دەپ تٷيٸندەدٸ ايدا بالاەۆا.
