دەنساۋلىق ساقتاۋ ۆيتسە-مينيسترٸ اجار عينايات جىل باسىنان بەرٸ حالىقتى ۆاكتسينالاۋعا قانشا اقشا بٶلٸنگەنٸن ايتتى, دەپ حابارلايدى "ۇلت اقپارات".
«2021 جىلعا ۆاكتسينا ساتىپ الۋ ٷشٸن 95 ملرد تەڭگەدەن استام قاراجات جوسپارلانعان. سونىڭ 61 ملرد تەڭگەسٸ ۆاكتسينالار مەن ونى ەگۋگە قاجەت شپريتس الۋ ٷشٸن جۇمسالدى. سونىمەن قاتار, ستاتسيونالارداعى ناۋقاستارعا كٶمەك كٶرسەتٸپ جاتقان مەديتسينا قىزمەتكەرلەرٸن ىنتالاندىرۋ ٷشٸن بەرٸلٸپ جاتقان قوسىمشا اقشا بار. ونىڭ مٶلشەرٸ ٶتكەن ايلاردا 89 ملرد تەڭگە بولدى. ول اي سايىن مەديتسينا قىزمەتكەرلەرٸنٸڭ ەڭبەكاقىسىنا قوسىمشا بەرٸلٸپ وتىر», - دەدٸ ۆيتسە-مينيستر.
ۆەدومستۆو ٶكٸلٸ ناۋقاستاردى ەمدەۋگە قانشا قاراجات جۇمسالعانىن دا اتاپ ٶتتٸ.
«سونىمەن قاتار قارجى كوروناۆيرۋس اۋرۋلارىن ەمدەۋگە, ونىڭ الدىن الۋ شارالارىنا بٶلٸنٸپ جاتىر. رەسپۋبليكالىق بيۋدجەتتەن كوروناۆيرۋس ينفەكتسيياسى راستالعان ناۋقاستاردى ەمدەۋگە 80 ملرد تەڭگە جوسپارلانعان. قازٸر سونىڭ شەتٸنەن ەربٸر مەديتسينالىق ۇيىمعا بٶلٸنٸپ وتىر. ساقتاندىرۋ قورىنان كوروناۆيرۋسى دەلەلدەنبەگەن نەمەسە كوروناۆيرۋس پنەۆمونيياسىمەن اۋىرعان ادامداردى ەمدەۋ ٷشٸن 17 ملرد تەڭگەدەن استام قاراجات قاراستىرىلعان», - دەدٸ اجار عينايات.
