جىل باسىنان بەرٸ قازاقستاندا 9 مىڭنان استام ٶرت بولدى جەنە 300-گە جۋىق ادام قازا تاپتى. بۇل تۋرالى قر تٶتەنشە جاعدايلار مينيسترلٸگٸ ٶرتكە قارسى قىزمەت كوميتەتٸنٸڭ تٶراعاسى نۇربولات دەربٸسوۆ ايتىپ بەردٸ, دەپ حابارلايدى قازاقپارات.
«كٷن سايىن بٸزدٸڭ بٶلٸمشەلەرٸمٸز ەرتٷرلٸ سيپاتتاعى تٶتەنشە جاعدايلاردى جويۋ ٷشٸن 100-150 رەت تاپسىرماعا شىعادى. ەرينە, ولاردىڭ نەگٸزگٸ ٷلەسٸ ٶرتتٸ سٶندٸرۋگە تيەسٸلٸ. جىل باسىنان بەرٸ 10 ايدا ەل بويىنشا 9 مىڭنان استام ٶرت بولدى. وندا جاراقاتتانعاندار سانى 358 ادامدى, قازا بولعاندار سانى 297 ادامدى قۇرادى. ال 4 394 ادام قۇتقارىلدى», - دەدٸ ن. دەربٸسوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سپيكەردٸڭ ايتۋىنشا, جالپى, ٶرت كٶلەمٸ 8%-عا, تۇرعىن ٷي سەكتورىنداعى ٶرت كٶلەمٸ 13,6%-عا تٶمەندەگەنٸ بايقالادى.
«دەگەنمەن, ٶرت سانىنىڭ جالپى تٶمەندەۋٸ كەزٸندە دە قازا تاپقاندار سانى 16%-عا, جاراقات العاندار سانى 45%-عا ٶستٸ», - دەيدٸ نۇربولات دەربٸسوۆ.
