Jyl basynan beri Qazaqstanda 9 myńnan astam órt boldy jáne 300-ge jýyq adam qaza tapty. Bul týraly QR Tótenshe jaǵdailar ministrligi Órtke qarsy qyzmet komitetiniń tóraǵasy Nurbolat Derbisov aityp berdi, dep habarlaidy QazAqparat.
«Kún saiyn bizdiń bólimshelerimiz ártúrli sipattaǵy tótenshe jaǵdailardy joiý úshin 100-150 ret tapsyrmaǵa shyǵady. Árine, olardyń negizgi úlesi órtti sóndirýge tiesili. Jyl basynan beri 10 aida el boiynsha 9 myńnan astam órt boldy. Onda jaraqattanǵandar sany 358 adamdy, qaza bolǵandar sany 297 adamdy qurady. Al 4 394 adam qutqaryldy», - dedi N. Derbisov Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, jalpy, órt kólemi 8%-ǵa, turǵyn úi sektoryndaǵy órt kólemi 13,6%-ǵa tómendegeni baiqalady.
«Degenmen, órt sanynyń jalpy tómendeýi kezinde de qaza tapqandar sany 16%-ǵa, jaraqat alǵandar sany 45%-ǵa ósti», - deidi Nurbolat Derbisov.
